Joshua 24:14 - Syin Chin Bible

¹⁴ “Tua ahiciang, tu in, Topa zatak vawt vun a, thintak le thumaanna taw a na seam vun,” ci in Joshua in a thu son zom a, “Mesopotamia le Egypt a na taanghpupite ii biak pathiante vawk vun, Topa atu bek seam vun.

Joshua 24:14 Iomraidhean Croise

Pianciilna 17:1

Abram kum sawmkua le kum kua a phak ciang ama tungah Topa kilangh a, “Keima in Vaanglianbelpa Pathian ka hi hi. Ka thu hong ni ta'n a, a maan in seam tawntung in.

Pianciilna 35:2

Tua ahiciang Jacob in a innkuan puite le a ompui teng tungah, “Ngamdang pathian milim na nei te vawk vun a; noma le noma kithiansua in, puanthiang silh vun.

2 Kumpite 20:3

“Topa awng, nang tungah thumaanna le citakna taw in nong oai theampo hanciam in ka sep tawntung sia hong phawk ta'n,” ci in thungen hi. Tuaciang ama nasia takin kap hi.

Ezra 9:11

Kamsaang na naseamte tungtawn a nong thupiakte ka zui bua leleau uh hi. Amate in ka laak tu uh ngam sia thiangtho ngawl hi, banghang ziam cile tualai ah a teang mite in tua ngam mong khat pan mong khat a kiihuai, a thasiathuai ngamtatnate taw kidimsak hi hong ci uh hi.

Job 1:1

Uz ngam ah a teang Job kici mi khat om a, ama in Pathian bia in, ama ii tungah thumaan hi. Ama mihing pha khat hi a, siatna peuma a vawt ngawl natu in kidawm hi.

Job 28:28

Pathian in mite mun ah, “Na ciim natu uh in, Topa thasia nanak tu nu hi. Na heak thei natu uh in siatna pial hamtang tu nu hi,” ci hi.

Psalm Late 111:10

Topa zatakna in ciim natu lampi ahi hi; ama thupiakte a zui theampo tungah thu khentel thiamna pia hi. Ama sia a tawntungin pok tu ahi hi.

Psalm Late 119:1

Topa thukham bangin nungta a, a nuntakna a sit baang ngawlte in mihing lungdamte ahi hi.

Psalm Late 119:80

Lelna maizumna taw ka kipeal natu in na thupiakte a cing takin hong zuisak thei ta'n.

Psalm Late 130:4

Ahihang nangma hong thasia in kong din thei natu uh in, nangma in tua mawnate nong maisak hi.

Psalm Late 81:10

Keima in Egypt ngam pan note hong pusua pui Topa na Pathian ka hi hi. Na kam uh kaa vun, an kong vaak tu hi.

Ezekiel 20:18

Tua taangin, amate sungah khangnote kidop natu thu ka pia hi: na taanghpupite vawt thukhamte tang heak vun; amate ngeinate zui heak vun, tua ahibuale a milimte taw noma na kininsak heak vun.

Ezekiel 23:3

A khanmoi lai in Egypt ngam ah ngaknu thiangtho a hina bosua a, pumpi zuakte suak uh hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Thiampite 17:7

Israel mite in Topa tungah hong thumaan in, lo sung keal doaite biakna in sa ngo nawn ngawl tu hi. Israel mite in maisang hun theampo ah hi ngeina zui tu hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Luke 8:15

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

Sawltakte 9:31

Tuabangin Judea ngam Samaria ngam le Galilee ngam bup ah pawlpite in ngammuang takin om theina hun khat nga hi. Pawlpi sia Topa min thasiana taw a nuntak bangma in Thaa Thiangtho huna tungtawnin, thakho in pawlpi mi khangto hi.

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

Ephesus te 6:24

A thi ngei ngawl itna taw ih Topa Jesus Christ a it te theampo tungah Pathian ii thuthiamna hong om tahen.

Thuhil kikna 10:12

“Tu in Israel mite awng, Topa na Pathian ii note tungah hong nget thute pha tak ngai vun: Topa bia vun a, hong thupiak theampo zui vun. Na thin theampo uh taw ama it in, a na seam tavun a,

Thuhil kikna 18:13

Topa tungah thumaan tatak vun,” ci hi.

Thuhil kikna 6:13

Topa na Pathian zatak vawtin ama bek bia tavun a, ama min taw bekin kamciamnate vawt tavun.

Philippi te 1:10

tua tungtawnin, a phabel sia na teal thei natu in thu kong ngetsak hi. Tuasia ciangin Christ ii Ni hong thet hunin niinnoina teng le mawsiatna theampo taw na kipeal tu uh hi.

Joshua 24:2

Joshua in mipite theampo tungah, “Topa Israel te ii Pathian ii a ci sia hi teng hi: ‘Khuangeipi hun lai in noma taanghpupite sia Euphrates ngun langkhat ah teang a, pathian dang bia uh hi. Tua taanghpupite sung pan khat sia Terah hi a, Abraham le Nahor ii pa ahi hi.

Joshua 24:23

“Tua ahiciang ngamdangte pathian na kep uhte vawk vun, tuaciang Topa Israel te ii Pathian tungah na thumaanna kamkho pia vun,” ci in ngen hi.

1 Samuel 12:14

Topa na Pathian zatak vawtin a na seam in, tuaciang a thu ni in, a thupiakte na ni uh a, noma le na kumpipa in ama nung na zui uh le na theampo a dik a pha in hong piang tu hi.

1 Samuel 12:24

Topa thu ni vun a, thumaan takin na thin theampo taw ama ii na seam vun. Na lianpi no atu hong sepsak te ciamtee vun.

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.