Joshua 23:15 - Syin Chin Bible

¹⁵ Ahihang, no tung a kamciam hong kipia theampo a kepcing bangma in, hong tawnnate theampo zongh tungsak tu hi.

Joshua 23:15 Iomraidhean Croise

1 Kumpite 14:15

Topa in Israel daan pia tu a, tuaciang lui sungah pumpate bangin ngawk tu hi. A taanghpupite tungah a piaksa hi leitang phate tung panin ama in Israel mite zunglok tu a, Euphrates ngun kalhin thethaang tu hi, banghang ziam cile amate in Asherah numeipathian sia ii limte a vawt hu in ama a thin uuksak hi.

1 Kumpite 8:56

Ama mite munah ngal kilemna a piak tu in, a kamciam bangma ngal kilemna hong pia “Topa pok vun. A naseampa Moses tungtawnin ngo takin a piak kamciam theampo len hi.

Isaiah 24:6

Tua ahikom Pathian in leitang haamsiat zo hi. A mite in amate ii vawt bangin thuak uh hi. A nungta mihing tawm vaial hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 32:42

“Hi mite tungah hi tuasiatna ka thetsak bangma in ka khapsa na pha theampo amate ka pia tu hi.

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Thiampite 26:3

“Ka thukham bang nungta in ka thupiakte na zui uh le,

1 Thessalonica te 2:16

Ngupna a piangsak tu thute Gentile te tungah ka hil tu uh ngawngawn khaktan tu in hanciam uh hi. Hi bangin amate ii a paltan tawntung sa mawna theampo pawlcingsak uh hi. Tu in Pathian thin uukna sia amate tungah a khakbel ciangin hong thengsuk zo hi!

Thukhente 13:1

Israel te in Topa tungah maw kik a, tuaciang Topa in amate sia Philistine te in kum 40 sung uksak hi.

Thukhente 3:12

Israel te sia Topa tungah mawna vawt leleau hi. Hisia hu in Topa in Moab kumpipa Eglon sia Israel te sangin hatsak zaw hi.

Thukhente 3:8

Tua ahikom Topa sia Israel tungah thin uuk a, Mesopotamia kumpipa Cushan Rishathaim in zothal sakin, kum liat sung uk hi.

Thukhente 6:1

Khatvei ma Israel mite in Topa tungah mawna vawt hi, tua ahikom Midian mite in amate kum sali uk hi.