Joshua 23:14 - Syin Chin Bible

¹⁴ “Tu in ka thi tu hun theng zo hi. Topa na Pathian in na pha theampo hong kamciamsa bangin hong pia zo ci sia na thinmuu na lungmuu le na thaa sungah a kuama po in na he uh hi. A kamciam khat simin kikeamcing a; khat zongh vaalthongsak ngawl hi.

Joshua 23:14 Iomraidhean Croise

Pianciilna 47:29

A thi tu hun a nai ciang ama in a tapa Joseph samin, “Ka phei kawmah na khut koi in, Egypt ah nong phum ngawl natu in kiciamna khat vawt in.

1 Kumpite 2:2

“Ka thi tu hun hong theng zo hi. Kimuang in a, takkha in;

1 Kumpite 8:56

Ama mite munah ngal kilemna a piak tu in, a kamciam bangma ngal kilemna hong pia “Topa pok vun. A naseampa Moses tungtawnin ngo takin a piak kamciam theampo len hi.

Job 30:23

Mihing theampo atu in a kisee kholsa thina sungah nong puak hunlam ka he hi.

Pusuana 3:8

tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Thuhilsya 12:5

Mun saangna ah na kiinta tu a, na lampai ciang lauhuai tu hi. Na puakkaang tu a; nangma le nangma kikai vakiat in, na lungngul theampo bo tu hi. Eite in a khakbel ih tawlngak natu mun ih zuan tu a, lampite ah mauna om tu hi.

Thuhilsya 9:10

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Ezekiel 20:28

Ka piak tu a kamciam ka piaksa ngam ah ka paipui hi. Mualsaangte le thingkung hing te a mu uh ciang amate in tuate theampo tungah sangaw biakpiakna pia uh hi. A sangaw meihal biakpiakna le sapittui biakpiakna te in kei hong thin uuksak hi.

Mi Simna 23:19

Pathian sia a leilot thei mihingte taw kibang ngawl a; Ama sia a thin a kheal papai mihing hi ngawl hi. A kamciamna babang seam a; A pau bangin taangtung hi.

Luke 21:33

Van le lei zongh hong bo tu hi, ahizong ka kammalte bo thong ngeingawl tu hi.

Hebrew te 9:27

Mihing theampo khatvei tek thi tu a, tua zawkciang Pathian in amate tungah thukhen tu hi.

1 Samuel 3:19

Samuel hong khan ciang Topa sia ama taw omkhawm a, Samuel ii son teng a vekpi in taangtungsak hi.