Joshua 23:13 - Syin Chin Bible

¹³ Topa na Pathian in hi minamte sia maisang na manaw uh ciang hong nawkeaksak nawn ngawl het tu ahi sia na he thei hi. Amate sia no atu in thaang bang, vuum bangin hong lauhuai zaw tu a, thibin pan kivel bang, mittang sung ling do bangin hong na zaw tu hi. Topa na Pathian ii hong piaksa hi leitang hoi tungah note kuama na om nawn ngawl uh dong hisia kipee tan tu hi.

Joshua 23:13 Iomraidhean Croise

1 Kumpite 11:4

tuaciang a khanhaam hun ciangin amate in ngamdang pathiante biakna sungah tumpui hi. Ama in Topa a Pathian tungah a pa David ii thumaan bangza in thumaan ngawl hi.

2 Kumpite 17:18

Topa sia Israel tungah thin uuk ahikom ama ii mu na pan bengkeak a, Judah kumpi ngam bek khe hi.

2 Kumpite 17:20

Topa in Israel te nial in, daan pia a, a ngilo ngalte khut sungah aap hi, a khakbel ciang ama ii muna pan bengkeak hi.

2 Kumpite 25:21

Tua munah kumpipa in amate velsak a, thatlumsak hi. Tua ahikom Judah mite sia amate ngam panin salin kipaipui hi.

2 Kumpite 25:26

Tua zawkciang Israel te theampo a hau a zawng, a kibangin ngalkap uliante taw tua mun nusia in Egypt ah tai uh hi, banghang ziam cile amate in Babylon te kiita uh hi.

Psalm Late 69:22

Amate ii poai khaamnate in amate lalna hi tahen; amate ii a thiangtho kibuailamna sia amate kiamsuk natu hi tahen.

Pusuana 10:7

Kumpipa uliante in kumpipa tungah, “Bang tanvei hisia pa in eite ngimna hong pia tu ziam? Topa a Pathian a biak thei natu in, Israel mite paisak in. Egypt ngam lal zo ci sia tel ngawl ni ziam?” ci uh hi.

Pusuana 23:33

Tua mihingte na ngam sungah teangsak heak vun; na teangsak uh le amate in kei tungah na maw na khial natu hong vawt tu hi. A pathiante na bia uh le note atu in hong thisak thei thaang hi tu hi,” ci hi.

Pusuana 34:12

Na thetna ngam ah a teang mihingte taw thukimna khote vawt heak vun, banghang ziam cile tuasia in note atu in thi theina thaang suak tu hi.

Pusuana 34:16

Na tapate in tua ngamdang numeite teenpui tha tu a, amate in kei tungah a thumaan ngawl natu le a doai pathiante a biak natu in na tapate lam khialpui tha tu hi.

Ezekiel 28:24

Topa in, “Israel te nunau a, a zawnsak vawt kiim le paam ah minamte sia Israel te a na sak tu ling le lingkung te taw a kibang kik nawn buatu uh hi. Tuaciang amate in kei sia Vaanglianpipa Topa ka hi hunlam hong he tu uh hi,” ci hi.

Mi Simna 33:55

Ahizong ngam sungah a teangte na notkeak bua uh ahile a taanglaite in note mit a tangsak ninnengte bang le na pangh hong sun lingte bangin hong nawngkaisak tu a, amate in note hong do tu uh hi.

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

Thuhil kikna 29:28

Topa thin uuk mama a, a thin uukna lian ahikom a ngamsung pan longhkeak in ngamdang denna in nei a, tuni dongin tua munah amate om uh hi,’ ci sia a kizo kikna hi tu hi.

Thuhil kikna 30:18

tu in hi lai ah kidop natu in kong son hi — note hong kilalcipsak siat tu hi. Na laak tu uh ngam, Jordan ngun ngalkhat ah khuangei nungta ngawl tu nu hi.

Thuhil kikna 4:26

Ka thu nong ni bua uh ahile hi ngam pan a mangthang pal tu na hina thu note langkhat ah ka tetti tu in tuni in vantung le leitung ka ko hi. Ngam na laak natu Jordan ngalkhat ah khuangei na nungta buatu uh hi. Note hong kimon siat tu hi.

Thuhil kikna 7:16

Topa na Pathian ii na khut sungah hong piak minam theampo mon vun, hesuak heak vun. A pathiante bia heak vun, banghang ziam cile thitheina piang tu nu hi.

2 Timothy 2:26

Tuasia zawkciangin amate sia khuaphawk tu a, ama thu nisak nuamin a manpa Doaimangpa thaang sung panin amate suakta tu uh hi.

Thukhente 2:21

Joshua ii thi hun dong a ngam sungah a om lai minamte notkeak nawn ngawl tu khi hi.