Joshua 23:12 - Syin Chin Bible

¹² Na thumaan bua uh a, no sungah a taanglai minamte taw kipawlkhawm in na kiteang uh le,

Joshua 23:12 Iomraidhean Croise

Pianciilna 2:24

Tua ahi hu in mihingpa khat in a nu le a pa nusia in a zi taw kingawm tu a, amate pumkhat suak tu uh hi.

Pianciilna 34:3

Ama in tua numei sia deihuai mama sa a, it ahikom tua nu ii a it natu in zongh hanciam hi.

1 Kumpite 11:2

Topa in Israel te sia hi mite taw a kiteen ngawl natu thupia hi, banghang ziam cile tua mite in Israel mite sia pathian dangte tungah thumaan zaw tu ahi hang hi, tua hi napi ama in amate teenpui hi.

1 Kumpite 11:4

tuaciang a khanhaam hun ciangin amate in ngamdang pathiante biakna sungah tumpui hi. Ama in Topa a Pathian tungah a pa David ii thumaan bangza in thumaan ngawl hi.

Psalm Late 125:5

Ahihang mihing seksolte daan na piak ciangin nangma ii thu le la a taisante zongh daan na pia in. Israel te tungah kilemna om tahen!

Psalm Late 36:3

Ama ii kampauna in seksolna le leilotnate taw kidim a, ama in ciimna le phatna taw seam nawn ngawl hi.

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Ezekiel 18:24

“Ahihang mihing thutang khat in, phatna a vawtte khealin, siatna theampo vawt tu hong kipan a, mi ngilote ii a thasiathuai ngamtatna te hong seam le a nungta tan lai tu ziam? Nungta ngawl tu hi! A pha a sepnate khat zongh kitepteesak ngawl tu hi. A thumaan ngawlna le a mawna khialnate hu in thi tu hi.

Zephaniah 1:6

Kei hong nungngat in, kei hong zui nawn ngawlte, kei tungah lamlak natu ngen ngawl a, hong zuan ngawlte ka susia tu hi,” ci hi.

Matthew 12:45

Tuasia ciangin ama pusuak in, ama sangin a siazaw lai doai a dang sali hong tumpui a, tua munah teang uh hi. A tawpna ah tua doai ii teenna mihing sia a kipat lai sangin lawmawk zaw hi. Tu lai mihing siate tungah hi bangma piang tu hi,” ci hi.

John 6:66

Hisia hangin, Jesus ii nung a zuite tam mama heak kik uh a, ama taw tonkhawm nawn ngawl hi.

Romete 12:9

Ki itna in thin tak ahi tu thupi hi. A sia theampo ensan vun a, a pha ci theampo keamcing tavun.

Thuhil kikna 6:15

A dang pathian na bia uh le na tungah Pathian thin uukna meikuang bangin hong theng tu a, hong lalcipsak tu hi, banghang ziam cile note taw a omkhawm Topa na Pathian in a ma a demte dual ngawl hi.

Thuhil kikna 7:3

Amate kuama teenpui heak vun, tuaciang na tate in amate kuama teenpuisak heak vun,

Thuhil kikna 7:4

banghang ziam cile tuasia ciang, amate in na tate uh pathian dang a bia tu in, Topa kung pan lam pialpui tu uh hi. Tua bangin a piang le Topa thin uukin thakhat thu noma hong thatlum tu hi.

Joshua 23:11

Tua ahikom, Topa na Pathian na it tu uh kingaisun vun.

1 John 2:9

A kuama po khuavak sungah ka om ci napi a, a suapuite a ensan le ama in tu dong ma in khuazing sungah om hi.

Thukhente 14:3

Ahihang a pa le a nu in “Zi khat nga natu in tua Pathian he ngawl Philistine te kungah pai kul na ziam? Eima mi sung teng, ih bee ih phung sungah ngaknu khat mu zo ngawl ni ziam?” ci in dong hi. Ahihang Samson in a pa munah, “Kei atu nong puisak tu ka dei sia ama bekma hi. Ama diksa khi hi,” ci hi.

Thukhente 3:6

Amate sia tua mite taw kiteang tetekin, a pathiante bia uh hi.