Joshua 22:28 - Syin Chin Bible

²⁸ Ko ngaisutna pan hi bang thu hong piang zezen le, koma suan le paalte in, ‘En vun! ka taanghpupite in Topa biaknatau taw a kibang biaknatau khat vawt hi. Tua biaknatau sia meihal biakpiakna ahibuale sangaw biakpiakna vawt natu kici ngawl hi, koma mite le noma mite kilaklaw ah lim khat in kivawt hi,’ ci thei tu hi.

Joshua 22:28 Iomraidhean Croise

Pianciilna 31:48

Laban in Jacob tungah, “Hi ih suangcian sia nang le kei atu in phawk sakna hi tu hi,” ci hi. Tua ahiciang tua mun sia Galeed kina hi.

2 Kumpite 16:10

Kumpipa Ahaz in Damascus ah Kumpilianpa Tiglath Pileser taw kimu tu in a pai ciang, tua munah a om biaknatau sia mu hi, ama in tua biaknatau ii lim sia kheet nei ngawlin a kicing tatakin suai a, Uriah thiampipa thaak kik hi.

Pusuana 25:40

Mual tungah kong lak ngealna sia bang tatak in, tua nate pha takin vawt in.

Isaiah 19:19

Tuasia hun a thet ciang, Egypt ngam sungah Topa biaknatau khat om tu a Egypt ngamngi ah, ama min in khansuang khat kiphut tu hi.

Hebrew te 8:5

A tatakin ci leang ama ii a thiampi nasep in vantung a sia a zui hi a, tua ii limh bek ahi hi. Tua in Moses ii sepna sia bangma ahi hi. Ama in Puanbuk Thiangtho a sak tu ciangin, Pathian in, “Mualtung ah hong kilak sia ii lim bang tatakin, na theampo na vawt hamtang in,” ci hi.

Joshua 22:27

tua sangin, koma mite le noma mite atu, tuaciang khangkikte atu in ama ii a thiangtho Puanbuk mai ah koma in Topa sia meihal biakpiaknate, sangaw biakpiaknate le pawlkhop biakpiakna te taw bia tatak khu hi ci heaksakna lim khat hi tu hi. Hi sia in noma suan le paalte in koma suan le paalte tungah Topa sia no taw bang kisai ziam hong ci ngawl natu ahi hi.

Joshua 22:29

Kote in Topa langpan ngawl het tu khu hi, tua ahibuale meihal biakpiaknate, antang biakpiaknate ahibuale sangaw biakpiaknate vawt natu in biaknatau khat a kisakna taw tu in ama nungzui tu a tawp hi ngawl khu hi. Ama hong ompuina Puanbuk mai ah Topa ih Pathian biaknatau sia ngawl a dang biaknatau khat pawpo vawt ngawl tu khu hi,” ci uh hi.

Joshua 24:27

Mipite theampo tungah ama in, “Hi suang sia ih tetti hi tu hi. Topa ii ei tungah hong pau kammal theampo tuasia in za siat zo hi. Tua ahikom tuasia in note ii lang ah tetti hi tu a, Topa na langpan ngawl natu hi tu hi.