Joshua 22:27 - Syin Chin Bible

²⁷ tua sangin, koma mite le noma mite atu, tuaciang khangkikte atu in ama ii a thiangtho Puanbuk mai ah koma in Topa sia meihal biakpiaknate, sangaw biakpiaknate le pawlkhop biakpiakna te taw bia tatak khu hi ci heaksakna lim khat hi tu hi. Hi sia in noma suan le paalte in koma suan le paalte tungah Topa sia no taw bang kisai ziam hong ci ngawl natu ahi hi.

Joshua 22:27 Iomraidhean Croise

Pianciilna 31:48

Laban in Jacob tungah, “Hi ih suangcian sia nang le kei atu in phawk sakna hi tu hi,” ci hi. Tua ahiciang tua mun sia Galeed kina hi.

Pianciilna 31:52

Hi suangcian le phawna khansuangte ngeal in ih kiciamnate hong phawksak kikte ahi hi. Nangma hong sim tu in hi suangcian kong kaantan ngei buatu a, nangma zongh in keima hong sim tu in hi suangcian ahibuale hi phawna khansuang nong kaantan ngei buatu hi.

Psalm Late 16:5

Topa awng, Nangma in ka nei a minpiang a buppi na hi a, tuaciang ka kisap theampo nong pia hi; maisang ka nuntak natu na khut sungah om hi.

Isaiah 19:19

Tuasia hun a thet ciang, Egypt ngam sungah Topa biaknatau khat om tu a Egypt ngamngi ah, ama min in khansuang khat kiphut tu hi.

Thuhil kikna 12:11

Topa in ama a kibiak natu in mun khat tealtuam tu a, kong thupiak bangin tua munah na theampo na puak tu uh hi: tuate in meihal biakpiakna le a dang sangaw biakpiaknate, na sawm a khat le na sumpite le Topa tungah na kamciam a tuam vilvel letsongte ahi hi.

Joshua 22:10

Reuben, Gad, le Nisuana Manasseh te nitumna sang ma ahi lai Geliloth a thet uh ciang, tuasung ngun hui ah a lian a munophuai biaknatau khat sa uh hi.

Joshua 22:26

Tua ahikom biaknatau khat sa khu hi, meihal biakpiaknate ahibuale piakkhiatnate atu hi ngawl hi,

Joshua 22:28

Ko ngaisutna pan hi bang thu hong piang zezen le, koma suan le paalte in, ‘En vun! ka taanghpupite in Topa biaknatau taw a kibang biaknatau khat vawt hi. Tua biaknatau sia meihal biakpiakna ahibuale sangaw biakpiakna vawt natu kici ngawl hi, koma mite le noma mite kilaklaw ah lim khat in kivawt hi,’ ci thei tu hi.

Joshua 22:34

Reuben le Gad mite in, “Topa sia Pathian hi ci in hi biaknatau in eite theampo atu tetti hi ci uh hi. Tua ahikom amate in a min sia “Tetti” a phuak uh hi.

Joshua 24:27

Mipite theampo tungah ama in, “Hi suang sia ih tetti hi tu hi. Topa ii ei tungah hong pau kammal theampo tuasia in za siat zo hi. Tua ahikom tuasia in note ii lang ah tetti hi tu a, Topa na langpan ngawl natu hi tu hi.

1 Samuel 7:12

Tua zawkciang Samuel in suangtum khat la in Mizpah le Shen kilaklaw ah phut in, “Topa in lam tawntung hong hu hi” ci in a min sia “Huna Suangpi” (Ebenezer ) vaw hi.