Joshua 22:18 - Syin Chin Bible

¹⁸ Tu in ama nung na zui tu uh nial lai nu ziam? Tu ni in Topa na langpan uh le ama in zing ciang Israel mi khat sim tungah hong thin uuk tu hi.

Joshua 22:18 Iomraidhean Croise

2 Samuel 24:1

Topa sia Israel te ii tungah khatvei ma thin uuk kik a, amate tungah David in ngim piasak hi. Topa in ama mun ah, “Va pai ta'n a, Israel te le Judah te mi phaza sim ta'n,” ci hi.

1 Kumpite 9:6

Ahihang nangma ahibuale na suan na paalte in kei nong zui nawn bua uh a, ka thukhamte le kong thupiakte zui ngawlin pathian dangte na bia uh le,

2 Kumpite 17:21

Topa in Israel le Judah a khen zawkciang Israel te in Nebat ii tapa Jeroboam sia kumpi suaksak uh hi. Jeroboam in Israel te a Topa taisansak in a kiitakhuai mama mawna sungah then hi.

1 Khangtaanghthu 21:1

Satan in Israel mite tungah ngimna thengsak nuam ahikom ama in David sia mi simna vawt tu in khensatsak hi.

1 Khangtaanghthu 21:14

Tua ahikom Topa in Israel mite tungah a kilaw thei natna tungsakin amate sung pan 70,000 thi hi.

2 Khangtaanghthu 25:27

Amaziah ii Topa a leedo hun pan kipan Jerusalem khua ah ama kithasawm hi. A khakbel ciang ama sia Lachish khuapi ah tai ahihang, a ngalte in zui in tua munah that hi.

2 Khangtaanghthu 34:33

Josiah kumpipa in Israel te neisa a ngam sungah a om a kiihuai milim theampo susia hi, tuaciang ama nuntak lai teng mipite in amate taanghpupite ii Pathian, Topa na seamsak hi.

Thiampite 10:6

Tua zawkciang Moses in Aaron le a tapate Eleazar le Ithamar tungah, “Na khuangaina na lakna in sam pot ngawl ahibuale puan balkeak in om heak vun. Tuabang na om uh le, na thi tu uh a taangpi bup tungah Topa thin uuk tu hi. Ahizong Topa ii puak mei taw a kaanghlumte hu in na Israel mipuite theampo in a khuangaina lak thei tu uh hi.

Mi Simna 16:22

Ahizong Moses le Aaron lei ah kunsuk a, “Aw, Pathian awng, nuntakna theampo ii naak na hi hi. Mihing khat a maw a khial ciang taangpi bup tungah thin uuk ni ziam?” ci uh hi.

Mi Simna 32:15

Tu in no Reuben le Gad mite in Topa nungzui tu na nial uh le ama in hi mipi theampo duisung ah khatvei ma nusia kik tu a, amate a lalsak sia noma na hi tu uh hi,” ci in zo kik hi.

Thuhil kikna 7:4

banghang ziam cile tuasia ciang, amate in na tate uh pathian dang a bia tu in, Topa kung pan lam pialpui tu uh hi. Tua bangin a piang le Topa thin uukin thakhat thu noma hong thatlum tu hi.

Joshua 22:15

Amate in Gilead ngam ah Reuben, Gad, le Nisuana Manasseh namte kungah a pai uh hi, Topa ii huam taangpi bup taangin amate tungah hong pau hi.

Joshua 22:16

“Banghangin Israel te ii Pathian tungah hi bang ngamtatna siatna vawt nu ziam? Noma atu hi bang biaknatau na sak uh ciang Topa a langpan na hi uh hi. No in ama nung zui nawn ngawl nu hi!

Joshua 22:20

Zerah tapa Achan phawk vun, ama in a kiningkhiin nate taw kisai thupiakna sia ni nuam ngawl hi; Israel taangpi bup sia tua huvau in daan hong kipia hi. Achan mawna hu in a thi sia ama bek hi ngawl hi.”

Joshua 7:1

A kisusia tu na khat pawpo Jericho pan a laak ngawl natu Topa ii thupiakna kizui ngawl hi. Achan a kici pasal khat in tua thupiak sia ni ngawl hi, tua ahikom Topa sia Israel te tungah a thin so hi. (Achan sia Carmi ii tapa, Zabdi ii tupa hi a, Zerah ii bee le phung, Judah nam sungah a kihel khat ahi hi.)

Joshua 7:11

Israel te in mawna vawt zo hi! Amate ii let tu in ka thupiak, kei taw thukimna sia len ngawlin paltan zo hi. Suksiat tu in a kiningkhiin na pawlkhat amate in la zo hi. Amate in ngu a, tuate huvau iim in amate ii vanh taw koi khawm hi.

Joshua 7:21

Vanh ih mat te sungah Babylon te puantungsilh hoi mama khat, ngunn kilogramme nii tu khawng le khamh tawn kilogramme lang vaal ka mu hi. Tuate dei leilam ka hikom ka la hi. Ka tuipuan buk sungah kiphumin a ngunn teng sia a tawbel ah na mu tu hi,” ci in zo hi.

1 Samuel 12:14

Topa na Pathian zatak vawtin a na seam in, tuaciang a thu ni in, a thupiakte na ni uh a, noma le na kumpipa in ama nung na zui uh le na theampo a dik a pha in hong piang tu hi.

1 Samuel 12:20

Samuel in, “Lau heak vun, siatna khaatna tuaza in vawt na hi uh hangin, Topa nusia heak vun, ahihang na thin theampo taw ama na na seam vun.