Joshua 22:11 - Syin Chin Bible

¹¹ Israel mi a taang lai teng munah, “Ngai vun! Reuben, Gad, le Nisuana Manasseh namte in Geliloth, Jordan ii ei sangah biaknatau sa uh hi!” ci uh hi.

Joshua 22:11 Iomraidhean Croise

John 1:28

Hi thu theampo sia John ii tui a phumna Jordan Ngun ii nisuana sangah a om Bethany khua ah piang hi.

John 20:1

Nipi ni zingsang tuung khuavak ma in, Mary Magdalene thaan vil tu a pai ciang, a kongvang pan suangtumpui sia kilakeak sa in a om mu hi.

John 20:12

tuaciang vantunglalangte nii puanpaak silh in, Jesus luang sialna ah, khat a luthung, khat a khawdop ah to in a om sia mu hi.

Thuhil kikna 12:11

Topa in ama a kibiak natu in mun khat tealtuam tu a, kong thupiak bangin tua munah na theampo na puak tu uh hi: tuate in meihal biakpiakna le a dang sangaw biakpiaknate, na sawm a khat le na sumpite le Topa tungah na kamciam a tuam vilvel letsongte ahi hi.

Joshua 2:7

Kumpipa mite in khuapi nusia a, tua zawkciang kongpi sia kikhak hi. Lamziikpi ii Jordan ngun a kaanna mun dong amate in Israel thudawpkute zong uh hi.

Joshua 22:10

Reuben, Gad, le Nisuana Manasseh te nitumna sang ma ahi lai Geliloth a thet uh ciang, tuasung ngun hui ah a lian a munophuai biaknatau khat sa uh hi.

Joshua 22:16

“Banghangin Israel te ii Pathian tungah hi bang ngamtatna siatna vawt nu ziam? Noma atu hi bang biaknatau na sak uh ciang Topa a langpan na hi uh hi. No in ama nung zui nawn ngawl nu hi!

Joshua 22:19

Tu in, na ngam na lei uh sia biakpiak natu in citaak sa ngawl na hi uh le ama Puanbuk omna Topa ii leitang tungah hong pai tavun. Ko sungah leitang pawlkhat sia ko aa hi hong ci tavun. Ahizong Topa ih Pathian biaknatau sia belapna in biaknatau khat a kisakna taw in Topa langpanin leedo heak vun, ahibuale ko zongh a leedote hong suaksak heak vun.

Thukhente 12:5

Ephraim te a suatak ngawl natu in, Gilead te ii Jordan a kaantan thei natu mun teng la uh hi. Ephraim mite khat pawpo suakta nuamin kaantan tu a ngen le, Gilead te in, “Nang Ephraim te na hi ziam?” ci in dongh hi. Ama in, “Hi ngawl khi hi” a ci le,