Joshua 21:44 - Syin Chin Bible

⁴⁴ Topa in a taanghpupite tungah kamciam a piaksa bangma in, ngamsung bup ah kilemna pia hi. A ngalte theampo sung pan khat zongh in amate nalh zo ngawl hi, banghang ziam cile Topa in a ngalte theampo zaw zawkna Israel te pia hi.

Joshua 21:44 Iomraidhean Croise

2 Khangtaanghthu 13:16

Judah te kung pan Israel te tai a, Pathian in Judah mite in amate zothawsak hi.

Pusuana 23:31

Na ngamngi uh kong vawtsak tu a, Aqaba Tuidok pan Mediterranean Tuipi dong le sennealngam pan Eupharates Ngun dong hi tu hi. Tua ngam ah a teangte tungah vaang neina kong pia tu a, maisang na manaw uh ciang na notkeak tu uh hi.

Pusuana 33:14

Topa in, “Nang taw ka paikhawm tu a, zawna kong pia tu hi,” ci hi.

Isaiah 63:14

Khuite leipha kuam sungah a kipaipui bangin Topa in a mite tawlngasak hi. Topa in a mihingte hi bangin lampui a, ama min thangsak hi.

Thuhil kikna 2:36

Topa ih Pathian in Arnon kuam mong ah a om Aroer khua pan kipan khua theampo le tua kuam laizang ah a om khuapi, Gilead dong hong zosak hi. A khua uumna luphungte in ei hong nang zo ngawl hi.

Thuhil kikna 21:10

“Topa na Pathian in ngalzawna hong pia in ngalte na mat uh ciang,

Hebrew te 4:9

Tua ahikom ni sali ni in Pathian a tawlngak bangma in, Pathian mite atu in tawlngak nuam khat om lai hi.

Joshua 1:13

“Topa na Pathian in Jordan ngun nisuana ngam sia na inn na lo tu in hong pia tu hi ci in Topa naseampa Moses ii a ci teng ciamtee vun.

Joshua 1:15

Topa na Pathian ii amate a piaksa Jordan nitumna sang ngam teng a laak uh mateng tuabangin ngamta tu nu hi. Ama in Israel nam teng a vekpi in ngammuanna a piak zawkciang Topa naseampa Moses ii no hong piak Jordan nisuana ngam, hi lai ah a teang tu in nong cia kik thei tu uh hi,” ci hi.

Joshua 1:5

Joshua awng, na nuntak lai teng nang sia kuama in hong zo zo ngawl tu hi. Moses ka ompui bangma in nang kong ompui tu hi. Nang taw a tawntungin kong omkhawm tu hi; nang kong nusia buatu hi.

Joshua 11:12

Joshua in hi khuapi teng la a, kumpipate manin, Topa naseam Moses ii thupiakna bangin, mi theampo thisak uh hi.

Joshua 11:23

Topa ii Moses a thu piaksa bangma in Joshua in ngam le lei bup la hi. Joshua in tua ngam sia Israel mite neisa tu in pia a, amate in nam sim khat tek khen in hawm hi. Tuabangin a mite sia ngal simna panin tawlnga uh hi.

Joshua 11:8

Topa in Israel te zawna pia hi; Israel te in ngalte sia saksang ah Misrephoth Maim le Sidon dong nisuana sang pan Mizpah kuam dong simin del uh hi. A ngalte khat zongh a nungta a om nawn ngawl dong kido tan uh hi.

Joshua 2:24

tuasia zawkciang, “Topa in ngam buppi sia ei hong pia zo hi ci in um khu hi. Tua munah a om mipi theampo sia ei hong kiita vadil hi,” ci uh hi.

Joshua 22:4

Tu in ama kamciam bangma in, Topa na Pathian in na Israel mipuite kilemna hong pia zo hi. Tua ahikom Topa naseampa Moses ii hong piak Jordan nisuana sangah noma atu na laak na inn na lo uh ah cia kik tavun.

Joshua 22:9

Tua hi a, Reuben, Gad, le Nisuana Manasseh nam teng sia inn ah cia kik uh hi. Amate in Israel mi a taanglai teng sia Canaan ngam Shiloh ah nusia uh hi, tuaciang amate in Topa ii Moses tungah a thupiakna tungtawnin a laak sa Gilead ngam le lei zuan uh hi.

Joshua 23:1

Khuangei mama zawkciang Topa in Israel te sia a kiim a paam ngal launa panin ngammuanna pia hi. Tua hun in Joshua sia huai mama zo hi,