Joshua 21:43 - Syin Chin Bible

⁴³ Tua ahikom, Topa in Israel te sia a taanghpupite tungah a ciliap huai kamciam a piaksa ngam le lei theampo pia hi. Amate in tuasia a nga zawk uh ciang, tua munah teang uh hi.

Joshua 21:43 Iomraidhean Croise

Pianciilna 12:7

Abram kungah Topa kilangh a, “Na suan le na paalte tungah hi ngam ka pia tu hi,” ci hi. Tua zawkciang Abram in, ama ii kungah a kilangh Topa atu in biaknatau khat vawt hi.

Pianciilna 13:15

Na muna ngam theampo nang le na suan na paalte tungah kong pia tu a, a tawntungin noma aa hi tu hi.

Pianciilna 28:4

Pathian in, Abraham thupha a piak bangin nang le na suan na paalte thupha hong pia tahen a, Abraham tungah a piak, na teenna leitang sia nang neisa hisak tahen!” ci hi.

2 Khangtaanghthu 20:8

Amate hi ngam sungah teangin nangma hong patoaina in biakinn khat sa zo a,

Nehemiah 9:24

Amate in Canaan ngam zothal a; nangma in tualai a teang mite na zo hi. Canaan kumpite le a mite tungah, a uuk bang po a vawt natu in na mite vaangletna na pia hi.

Nehemiah 9:8

Na tungah hong thumaanna na mu a, ama taw thuciamna khat na vawt hi. Nangma in Canaan te ngam, Hit te le Amor te ngam, Periz te, Jebus te, Girgash te ngam teng a suan a paalte teenna ngam tu in ama piak tu in kamciam na pia hi. Nangma thumaan na hikom na kamciam na len hi.

Psalm Late 105:8

Ama in a thuciam sia a tawntung kholet tu a, ama kamciamte khang tul dongin kipsak tu hi.

Psalm Late 44:3

Na mite in tua leitang sia amate ii a namsau taw zothal hi ngawl hi; amate vaangletna taw a zothal hi ngawl hi; nangma vaangletna le thahatna taw ahizong, nangma ompuina taw ahizong a zo hi a, tua in amate na itna na lakna ahi hi.

Psalm Late 78:55

A mite a mainaw uh ciang tua ngamah a teang mite ama in notkeak hi; tua leitang sia Israel minamte hawmsakin amate ii innte sia a mite pia hi.

Pusuana 3:8

tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Jeremiah 32:23

Ahihang amate in hi ngam hong theng a, ngam a nei uh ciangin na thupiak ni ngawl a, na thuhilna bangin ngamta ngawl uh hi; vawt tu a na thupiakte bang mama vawt ngawl uh hi. Tuasia hu in hi suksiatna theampo amate tungah na thengsak hi.

Mi Simna 33:53

A ngam la in, tua munah teang vun, banghang ziam cile tua sia note kong pia tu hi.

Mi Simna 34:2

Israel mite atu in a nuai a hilnate pia hi: “Keima kong piak Canaan ngamsung na tum uh ciang na ngamngi uhte a nuai a bang hi tu hi.

Thuhil kikna 11:31

Topa na Pathian ii hong piakna ngam a lua tu in Jordan ngun na kaantan tu uh hi. Tua ngam la in na teen uh ciang,

Thuhil kikna 12:29

“A ngam na sim uh ciang Topa na Pathian in hi minamte mon tu a, a ngam la in na teang tu uh hi.

Thuhil kikna 17:14

“Topa na Pathian ii hong piak tu ngam la in, na teen zawk uh ciang na kiim na paam a om minamte theampo bangma in kumpi khat kisamh sa in nei tu na khensat tu uh hi.

Thuhil kikna 34:4

Tua zawkciang Topa in Moses tungah, “Hi ngam le lei sia a suan a paalte tungah piak tu in Abraham, Isaac, le Jacob tungah ka kamciamsa ahi hi. Nang kong musak zo a, ahizong tua munah kong paisak buatu hi,” ci hi.

Joshua 1:6

Na thin khosak in a kimuang in, banghang ziam cile a taanghpupite tungah ka kamciamsa hi ngam le lei a laak uh ciang hi mite ii lampui pa na hi tu hi.

Thukhente 11:24

Tuasia la kik tu in hanciam tu ni ziam? Na pathian Chemosh ii hong piak teng keam thei ni hi. Ahihang ko ka hi uh le Topa ka Pathian hong piaksa teng keam tu khu hi.

1 Samuel 12:8

Jacob le a innkuanpuite Egypt ah a pai lai in, Egypt te in nengniam ahiciang, na taanghpupite in Topa munah hu ngenin au uh hi, tuaciang ama in Moses le Aaron paisak in, Egypt ngam pan amate pusua pui a, hi ngam ah teangsak hi.