Joshua 20:9 - Syin Chin Bible

⁹ Hi teng sia bukna khuapi tu in Israel te theampo le ngamdangmi amate sungah a teangte atu a kiteal teng ahi hi. Khat po in midang khat a thatlum tha le phulam tu in ama a zong sia ii khut pan dalna nga thei tu hi; taangpi mai ah thukhenna a thuak phot buale ama kithatlum thei ngawl hi.

Joshua 20:9 Iomraidhean Croise

Mi Simna 35:13

Khuapi luk,

Mi Simna 35:15

Hi khuapi luk te sia Israel mite le tawmvei sung ahizong a tawntung ahizong a teang ngamdangmite atu in bukna hi tu hi. Ngaisut khol ngawlin mi khat a that tha pawpo in tua khuapi khat pawpo zuan thei tu hi.

Joshua 20:4

Ama in hi khuapi te khat pawpo ah tai thei a, hi khuapi tumna kongbiang thukhenna munah a om lampuite tungah thupiang babang son thei tu hi. Amate in khuapi sungah a om thei natu in ama tumsak a, a teen natu mun khat pia tu hi.

Joshua 20:6

Taangpi mai ah thu a kikhen dong le tua laitak Thiampi Lianbel a seam sia ii thi dong ama sia tua munah om thei tu hi. Tua zawkciangin tua pa hong taina a khua a inn ah cia kik thei tu hi,” ci hi.

Joshua 20:8

Jordan nisuana, Jericho nisuana sang sennealngam mualtung, Reuben ngam sungah Bezer; Gad ngamsung Gilead ah Ramoth; Manasseh ngamsung Bashan ah Golan teal uh hi.