Joshua 2:19 - Syin Chin Bible

¹⁹ Khat po doipua ah a pusuak le ama ii thina sia ama ii khialna hi tu a, ko taw kisai ngawl tu hi; ahihang na inn sungah om khat pawpo sia bang khat po a kitawksak ahile ko khialna hi tu hi.

Joshua 2:19 Iomraidhean Croise

2 Samuel 1:16

tuaciang David in Amalek pa tungah, “Hi sia nangma kivawt hi. Topa ii a teal kumpipa khat ka thatlum na ci hu in nangma le nangma kipuavawk ni hi,” ci hi.

2 Samuel 4:11

Mawnei ngawl, ama inn sungah a mu mihing khat a suamlum mi ngilote atu in bangza in sia zaw lai tu ziam! Tu in ama na suamlup uh hu in a phulamsak tu khi hi, tuaciang no sia lei maitang panin hong zutmaai tu khi hi!” ci in zo hi.

1 Kumpite 2:32

Ka pa David ii heak ngawl laanin, mihing a thana hu in Topa in Joab daan pia tu hi. Joab in ama sangin mi pha ahizaw, a maw ngawl mihing nii thatlum a: Israel te ngalkaphonpi ukpa Abner le Judah te ngalkaphonpi ukpa Amasa te ahi hi.

Pusuana 12:13

Kongkha khuamte tungah chisan a kinoai teng noma teenna inn teptee natu lim ahi hi. Chisan ka mu ciang note kong kaantan tu a, Egypt te daan ka piak ciang note bangma kong law buatu hi.

Pusuana 12:22

Hyssop sip khat la vun a, kuang sungah a om nganhing chisan sungah papin, na inn kongkha khuamte nii le a vathaang tungah noai vun. Zingsang khuavak mateng inn pan khat zongh pusuak ngawl tu nu hi.

Pusuana 12:23

Egypt te a that tu in Egypt ngamsung teng ah Topa a pai ciang, kongkha khuamte le a vathaangte tungah a kinoai chisan mu tu a, Thina ii Vantunglalang sia na inn te sungah hong that tu in tumsak ngawl tu hi.

Thiampite 20:11

Mi khat in a pa zite khat a khialpui le a pa maimawlsak hi a, a nii in kithatlum tu hi. Amate thina in amate kivawt ahi hi.

Thiampite 20:9

Topa in a nuai a zui tu ngeinate pia hi. A nu le a pa a haamsiat peuma kithatlum tu hi; ama ii thina sia ama kivawt ahi hi.

Matthew 24:17

Innkhum tung a om mihing khat in ama ii vanhte la tu in tuaksuk nawn heak hen.

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Sawltakte 20:26

Tua ahikom tuni mama in, no tungah a ciliaphuai takin kong taangko hi: a mangthang khat po na om uh le, kei ii ka vaipuak lel hu hi ngawl tu hi.

Sawltakte 27:31

Ahihang Paul in ngalkap bupa le ngalkapte munah, “Hi teambaw naseamte sia teambaw tungah a om po bua uh le, no suatak natu lamet om ngawl hi,” ci hi.

Philippi te 3:9

Thukham zuina taw a kinga theite nam ahi keima aituam thutang suana khat sia ka nei nawn bua hi. Christ ih upna tungtawnin hong kipia, Pathian kung pan hong pai upna a kibulphu thutang sia tu in ka nei zo hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Joshua 2:12

No tungah kong dik bangin ka innkuanpui te tungah dikna taw nong ngamtat natu in ama min taw hong kiciam tavun a, no kong muan thei natu in lim khat po hong pia tavun.

Joshua 2:14

Tua mite in ama tungah, “Koma pau bangin ka ngamta bua uh le Pathian in koma nuntakna hong la tahen! Koma ngamtatna teng kuama munah na son bua nale Topa in hi ngam hong piak ciangin pha takin kong vawt tu uh hi ci in kamciam kong pia uh hi,” ci uh hi.

Joshua 2:20

Ahizong ko ii ngamtatna sia khat po tungah na son a, ahile kamciam pia a nong sawl sia len ngawl tu khu hi.”