Joshua 2:18 - Syin Chin Bible

¹⁸ Na ngam uh kong sim uh ciang khauhual san hisia khitin nong khiaksukna kongvang no panin kaaisuksak in. Na pa na nu le na suapuite na pa innkuanpuite theampo na inn sungah khawm siat tu ni hi.

Joshua 2:18 Iomraidhean Croise

Pianciilna 12:2

Suan le paal tam mama kong pia tu a, amate minam lian khat suak tu uh hi. Nang sia thupha naak na hi natu in, thupha kong pia tu a, na min kong thangsak tu hi.

Pianciilna 7:1

Topa in Noah tungah, “Na innkuan bupin teambaw sungah tum vun; leitung theampo ah a maanin a seam sia nangma bekma kong mu hi.

Esther 8:6

Ka mite tungah hi tuasiatna tungin, ka mealheakte kithat le, bangbangin thuak zo thong tu khi ziam?” ci hi.

Pusuana 12:13

Kongkha khuamte tungah chisan a kinoai teng noma teenna inn teptee natu lim ahi hi. Chisan ka mu ciang note kong kaantan tu a, Egypt te daan ka piak ciang note bangma kong law buatu hi.

Solomon ii La 4:3

Na mukte puansan khaupheang khat bang hi a; na pau ciang bangza in etlawm ziam? Na biangte sia na kisealna dial nungah san sitset hi.

Thiampite 14:4

A natna a dam le, thiampipa in biakna taw kisai a thiang vacim nii sia cedar thing, khausan, hyssop meangte taw a kipaipui khop natu in thupia tu hi.

Mi Simna 19:6

Tuaciang thiampipa in cedar thing tawm, hyssop dawn le khauzeen san khat la in mei sungah lawn tu hi.

Mi Simna 4:8

Amate in tuate theampo puansan khat taw siin tu a, savun pha khat taw tuate siin thua in, a zawn natu thingpumte thun tu uh hi.

Luke 19:9

Jesus in ama tungah, “Ngupna sia tuni in hi bangkua ah hong theng hi; banghang ziam cile hisia pa zongh Abraham ii suan khat ahi hi.

Sawltakte 10:27

Peter sia Cornelius taw thuson kawmin, inn sungah a tum ciangin, mihing tam mama kikhawm mu hi.

Sawltakte 10:33

Tua ahikom thakhatin kong samsak a, na dikna hangin nong pai hi. Tu in Pathian mai ah ko teng na om ung, Topa ii nang son a hong sawl po ngai tu in hong ngak khu hi,” ci hi.

Sawltakte 11:14

Ama in nang le na innkuanpui theampo ngupna na nga natu kammalte hong son tu hi,’ ci in son hi.

2 Timothy 1:16

Topa in Onesiphorus innkuan sungah hesuakna tungsak tahen, banghang ziam cile tamvei ma ka thin hong nuamsak hi. Thonginn sungah ka om sia, ama in hong maizumpui ngawl a,

Hebrew te 9:19

A masa phitbel in Thukham sungah a thupiak theampo mihingte tungah Moses in sonthiang phot hi. Tua zawkciangin khuitalte le kealte chi la in tui taw a hel zawkciang, hyssop baak le tuu mulsan pawlkhat zanghin, Thukham laibu tung le mihingte tungah the hi.

Joshua 2:21

Numei in tua thu lungkim in amate a paisak hi. Amate pai zawkciang numei nu in khauhual san khat a kongvang no panin a kaai suk tu in khit hi.

Joshua 6:23

Tua ahiciang amate in Rahab sia a pa, a nu, a suapui pate le a innkuanpui dang teng taw hong pusua uh hi. Amate in tua innkuante le a silate dongin a vekpi la in Israel te ngiaphual nai ngam muanna khat ah koi uh hi.

Joshua 6:25

Joshua in pumpi zuak Rahab le a mealheakte sia khoaikhe hi, banghang ziam cile tua nu in Jericho khua ah a paisak thudawpkute nii phual hi. (Ama ii suan le paalte sia Israel ngam ah tu ni dongin teang hi.)