Joshua 2:14 - Syin Chin Bible

¹⁴ Tua mite in ama tungah, “Koma pau bangin ka ngamta bua uh le Pathian in koma nuntakna hong la tahen! Koma ngamtatna teng kuama munah na son bua nale Topa in hi ngam hong piak ciangin pha takin kong vawt tu uh hi ci in kamciam kong pia uh hi,” ci uh hi.

Joshua 2:14 Iomraidhean Croise

Pianciilna 24:49

Tu in hi bang ka topa tungah vaipuak na nei teng na khuangkhim tu na ngaisun uh a, ama tungah a kilawm bangin vawt na sawm uh le nong hesuakna in hong son tavun; hi thei bo na ci uh le zong hong son tavun, tua hile ka nasep tu zia ka khensat tu hi,” ci hi.

Pianciilna 47:29

A thi tu hun a nai ciang ama in a tapa Joseph samin, “Ka phei kawmah na khut koi in, Egypt ah nong phum ngawl natu in kiciamna khat vawt in.

2 Samuel 2:5

tualai ah mihing pawlkhat paisak a, kam vaitha hi: “Na kumpipa tungah a luang na vuina taw thumaanna na lak uh a, na lak uh hu in Topa in thupha hong pia tahen.

2 Samuel 2:6

Tu in Topa dikna, a thumaanna no tungah hong tung tahen. Noma nasepna sa te hangin kei zongh no hong phatvawt tu khi hi.

2 Samuel 9:1

Ni khat ni in David in, “Saul ii bangkua sung pan a nungta lai om ziam? Tuabang a om le Jonathan hu in dikna lak nuam khi hi,” ci hi.

1 Kumpite 20:39

Kumpipa hong kaantan ciang kamsaang pa in biakpui a, “Kumpipa awng, ngal ka do laitakin ngalkap khat in a ngal mat khat kei kungah hong paipui a, ‘Hi sia pa cing in; a suakta napo le na nuntakna taw lul tu ni hi, tua ahibuale zong ngunntang tulthum liau tu ni hi,’ hong ci hi.

Paunakte 14:22

A pha na vawt le ngualdang ii muanna le zatakna na thalaw tu hi; a sia na vawt le a ngamta khial na hi hi.

Paunakte 18:24

Kingualtamhna pawlkhat sia kho ngawl hi, ahihang ngualtamh pawlkhatte ahile suapui laipeete sangin thumaan zaw hi.

Matthew 5:7

“Ngual hesuak theite in mihing lungdamte ahi uh hi; Pathian in amate hesuak tu hi!

Sawltakte 23:22

Ngalkap hon ukpa in, “Hi thu teng nong ko hunlam kuama tungah son heak in,” ci in tangvalpa ciasak hi.

Joshua 2:13

Ka pa le ka nu, ka suapuipate ka suapuinute le a innkuanpui theampo nong suataksak natu kamciam hong pia tavun. Ko hong kithatlumsak heak vun!”

Joshua 2:15

Rahab sia khuapi luphung pang sungah inn vawtin teang ahi bangma ama in pasal te nii khauzeen taw kongvang no panin khiasuk hi.

Joshua 6:17

Khuapi le a sungah a om theampo sia, Topa tungah piakkhiatna khat bangin kilalcipsak siat tu hi. Numei pumpi kizuak Rahab le a innkuanpuite bek kikhoaikhe tu hi, banghang ziam cile ama in ih thudawpkute hong sealsak hi.

Joshua 6:22

Joshua in thudawpku in a paisak te nii sam a, “Pumpi zuak numei nu inn sungah tum tavun a kamciam na piaksa uh bangma, ama le a innkuanpuite hong pusua tavun,” ci hi.

Joshua 6:25

Joshua in pumpi zuak Rahab le a mealheakte sia khoaikhe hi, banghang ziam cile tua nu in Jericho khua ah a paisak thudawpkute nii phual hi. (Ama ii suan le paalte sia Israel ngam ah tu ni dongin teang hi.)

1 Samuel 20:8

Nong hesuakna in, hi a thiangtho kamciamna kei tungah nong piak sia na kho let in. Ahizong keima mama a maw ka hile nangma in hong thatlum ta'n. Banghangin na pa ii hong thalup tu in hong paipui tu ni ziam?” ci in zo kik hi.