Joshua 2:12 - Syin Chin Bible

¹² No tungah kong dik bangin ka innkuanpui te tungah dikna taw nong ngamtat natu in ama min taw hong kiciam tavun a, no kong muan thei natu in lim khat po hong pia tavun.

Joshua 2:12 Iomraidhean Croise

Pianciilna 21:23

Tua ahikom keima, ka tate ahibuale, ka suan ka paalte kong theam buatu hi ci in hisung Pathian mai ah kiciamna khat vawt in. Nang tungah kong thumaan zo hi, tua ahiciang kei tung le na teenna hi ngam zong ah nong thumaan natu in kamciam hong pia ta'n,” ci hi.

Pianciilna 24:3

Hi sung a, Canaan mihingte sung pan ka tapa zi tu na teal ngawl natu in, vantung le leitung Pathian Topa min taw na kiciam tu ka dei hi.

Pianciilna 24:9

Tuaciang a naseampa in, a topa Abraham ii phei kawmah a khut koi in Abraham ci bang seam tu in kiciam hi.

Pianciilna 40:14

Ahizong na dau a pai ciang nong hesuakna in kei hong phawk kik ta'n a, hi thongsung pan ka suatak thei natu in kumpipa tungah ka thu teng hesuakna taw hong sonsak ta'n.

2 Khangtaanghthu 36:13

Nebuchadnezzar kumpipa ii ama tungah a thumaan tu in Pathian min taw hamtangpi in a kiciamsak Zedekiah in ama leedo hi. Zedekiah thinpui in kisiik kik nuam ngawlin Israel te ii Pathian, Topa kung zuan kik nuam ngawl hi.

Esther 8:6

Ka mite tungah hi tuasiatna tungin, ka mealheakte kithat le, bangbangin thuak zo thong tu khi ziam?” ci hi.

Pusuana 12:13

Kongkha khuamte tungah chisan a kinoai teng noma teenna inn teptee natu lim ahi hi. Chisan ka mu ciang note kong kaantan tu a, Egypt te daan ka piak ciang note bangma kong law buatu hi.

Jeremiah 12:16

Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi.

Mark 14:44

“Ka nap pa sia na mat nop uh sia hi tu hi, man vun a, a cing tu kisepin paipui tavun,” ci in Judas in mipite limlakna piakhol hi.

Romete 1:31

A pha le a sia khentel theina thinsung nei ngawl, kamciam len ngawlin ngual hesuak theina le thuthiamna nei ngawl uh hi.

1 Timothy 5:8

Ahihang khat pawpo in a mealheakte, a tuanin ama innkuanpuite a en nuam bua uh le ama in upna thu a nial suak a, thu um ngawlte sangin sia zaw lai hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

Joshua 2:13

Ka pa le ka nu, ka suapuipate ka suapuinute le a innkuanpui theampo nong suataksak natu kamciam hong pia tavun. Ko hong kithatlumsak heak vun!”

Joshua 2:18

Na ngam uh kong sim uh ciang khauhual san hisia khitin nong khiaksukna kongvang no panin kaaisuksak in. Na pa na nu le na suapuite na pa innkuanpuite theampo na inn sungah khawm siat tu ni hi.

Joshua 2:19

Khat po doipua ah a pusuak le ama ii thina sia ama ii khialna hi tu a, ko taw kisai ngawl tu hi; ahihang na inn sungah om khat pawpo sia bang khat po a kitawksak ahile ko khialna hi tu hi.

Joshua 6:22

Joshua in thudawpku in a paisak te nii sam a, “Pumpi zuak numei nu inn sungah tum tavun a kamciam na piaksa uh bangma, ama le a innkuanpuite hong pusua tavun,” ci hi.

Joshua 9:15

Joshua in tua Gibeon mite taw kipawl thei natu kilemna kamciam kho khat vawt in, amate khoaikhe hi. Israel taangpi lampuite in tua kilemna thuciam kho sia a kholet natu kamciam pia uh hi.

Thukhente 1:24

pasal khat khua pan a pusuak a mu ciang, “Khuapi sung tumna hong lak le te bangma hong law ngawl tu khu hi,” ci uh hi.

1 Samuel 30:15

David in, “Tua hong simthamte kungah nong paipui tu ziam?” ci in dongh hi. Ama in, “Kei nong thalup ngawl natu le ka topa kungah nong aap ngawl natu Pathian min taw kamciam hong pia po lete, hong paipui tu khi hi,” ci hi.