Joshua 2:11 - Syin Chin Bible

¹¹ Ka zaak uh po ciang ka lau uh hi; no hu in ka thin letna teng ka bosua uh hi. Topa na Pathian sia vantung le hi lai leitung ii Pathian ahi hi.

Joshua 2:11 Iomraidhean Croise

1 Kumpite 8:60

Tuabangin leitung minamte theampo in Topa ama bek Pathian hi a — a dang Pathian om ngawl hi ci in he tu uh hi.

2 Kumpite 5:15

Ama in a mite theampo taw Elisha kungah hong heak kik a, “Tu in Israel ii Pathian ngawl pathian dang om ngawl hi ci in ka he hi; tua ahiciang topa awng, nong hesuakna in, kong piak letsong khat hong saang ta'n,” ci hi.

Nehemiah 6:16

Ngam kiim tengah a om ih ngalte in hi thu a zaak uh ciangin, Pathian huna taw nasep a kizawna thu a kuama po in he ahiciang, amate atu maizumhuai ahi hunlam phawk tek hi.

Esther 8:17

Kumpipa ii thu thansakna lai a kisimna mun theampo, khuapi sim le ngamke sim ah Jew te in lungdam anneakpoai vawtin, lungdam poaikham ni nei kawkoai uh hi. A tatakin ci leang tu in midang tam mama in Jew te a kiitak hu in, Jew te suak uh hi.

Psalm Late 102:15

Minam tuatuamte in Topa kiita tu hi; leitung ah kumpite theampo in ama ii vaangletna kiita tu hi.

Psalm Late 22:14

Ka tha tual zo a, lei ah tui buak bangin bo vangeu hi. ka ngu kipeenate zongh kipealkhial siat zo a, ka lungtang sia khuainun tuitham bang hi.

Psalm Late 58:7

Lei sungah tui tum bangin amate mang vadi tahen; lampi lai lopate bangin kisiikcil tahen.

Psalm Late 83:18

Nangma bekma in Topa na hi hunlam, leitung bup a lianbel ukpa na hi hunlam amate in he tahen.

Pusuana 15:14

Minamte in za zo a, amate lau in liing uh hi; Philistia mite lau in patau mama uh hi.

Pusuana 15:15

Edom lampuite lau mama uh a; Moab mi thahat te liing uh hi; Canaan mite in a thinhanna teng bosua hi.

Isaiah 13:7

Mihing theampo ii khutte zaw vanek tu a, a thinhanna uh kiam tu hi.

Isaiah 19:1

Hisia sia Egypt ngam taw kisai thupuak ahi hi. Topa sia meei tungah to in, manlang mama in Egypt ngam ah hong pai hi. Ama mai ah Egypt milimte liingin, Egypt mihingte a hanna bo hi.

Ezekiel 21:15

Tuasia in ka mite lauthauhsak a lutusak hi. Amate khuapi sia khualeng bangin a tee vazal, a that tu in a kinging namsau khat taw in ka tawng hi.

Nahum 2:10

Nineveh sia kisusia in, kinusia a, ngamkhing hi! Launa taw thin tamhtham a; khupte liingin, a thahatna bo hi; maitangte daang hi.

Thuhil kikna 1:28

Banghang tua munah pai tu hi ziam? Ih lau hi. Thu dawp a ih paisakte in tua munah a teang mihingte ei sangin hat zaw, saang zaw a, van banin a ki uum khuapite sungah teang hi, ci in hong son hi. Amate in tualai ah mi thatang liante mu hi!’ na kici uh hi.

Thuhil kikna 20:8

“Tuaciang ngalkap bute in a mite tungah, ‘Hi sungah patau in a lauthauh khat pawpo a om ziam? A om le, a inn ah cia kik tahen. Tua ahi buale ama in a dangte thin lalsak tu hi,’ ci si tu hi.

Thuhil kikna 4:39

Tua ahiciang vantung le leitung ah Topa sia Pathian a hina thu, tuni in phawk vun a, mangil heak vun: Pathian dang om ngawl hi.

Joshua 14:8

Kei taw a paikhawm pasal dangte in ahile ih mite lauthawn hi. Ahihang keima in Topa ka Pathian thu ka mang hi.

Joshua 2:24

tuasia zawkciang, “Topa in ngam buppi sia ei hong pia zo hi ci in um khu hi. Tua munah a om mipi theampo sia ei hong kiita vadil hi,” ci uh hi.

Joshua 5:1

Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.

Joshua 7:5

Ai mite in amate sia khuapi kongpi panin suangkhuk pawlkhat omna dong uum uh a, mihing 36 khawng mual tung pan del suk in thatlum uh hi. Tuasia ciang Israel te sia a thin letna bo a, lau uh hi.

Joshua 9:24

Amate in, “Topa awng, hi bangin ka ngamtat uh sia Topa na Pathian uh in a naseampa Moses tungah thupia zo a, ngam le lei buppi no hong pia in, a sung a teang mite sia maisang na mainawt uh kawmin thatlum siat tu ci thu maan takpi hi ci in ka tel uh hang hi. Tuabangin ngamta khu hi. Banghang ziam cile ko sia nasia takin lau khu hi; ka nuntakna atu mama in patau khu hi.

Thupualaakna 6:16

Amate in mualte le suangpite munah, “Ko tungah hong cimhsuk ka heu vun a, kumpi tokhum tungah a to pa ii muna pan le Tuuno ii thin uukna panin, hong seal tavun.