Joshua 2:10 - Syin Chin Bible

¹⁰ Topa in Egypt ngam na nusiat uh ciangin na mai a om San Tuipi sia kangsak ci in ka za uh hi. Jordan nisuana sang Amor te ii kumpite nii Sihon le Og na thalup uh zongh ka za uh hi.

Joshua 2:10 Iomraidhean Croise

Psalm Late 74:15

Ciktui le tuisamhte na luangsak a, ngun liante na kangsak hi.

Mi Simna 20:14

Moses in Kadesh pan Edom kumpipa tungah kamtaite paisak hi. Amate in, “Na mealheak uh ahi Israel minamte in hi bangin thu kong puak uh hi. Haksatna ka thuak uhte le,

Mi Simna 23:22

Pathian in Egypt pan amate pusuapui a; Ama in ngam khuital khat bangin amate panpui hi.

Mi Simna 24:8

Pathian in amate Egypt ngam pan pusua pui a; Ama in ngam khuital khat bangin amate ngaldo pui hi. Amate in a ngalte lopvalh a, A ngute khimtham in a thaltangte thiaktan hi.

Thuhil kikna 2:30

“Ahizong Kumpipa Sihon in a ngam a kaantan tu uh oai ngawl hi. Ama zo zo a, tu laitak ih omna, ama ngam sia ih laak thei natu in Topa na Pathian in ama a thin sahsakin ngal thin neisak hi.

Joshua 24:12

Maisang na manaw uh ciang Amor kumpipa te nii ka nawkeak natu in amate nasia takin ka lausak hi. No ma namsau te le thal te hang hi ngawl hi.

Joshua 4:24

Hi sia hu in leitung mi theampo in Topa ii vaangletna sia bangza in lian ci in he tu a, tuaciang note in Topa na Pathian sia a tawntungin na zatak vawt tu uh hi,” ci hi.

Joshua 5:1

Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.

Joshua 9:10

Jordan ngam nisuana a teang Amor kumpipate nii: Hesbon kumpipa Sihon le Ashtaroth ah a teang Bashan kumpipa Og tungah a vawtna teng zongh ka za uh hi.