Joshua 2:1 - Syin Chin Bible

¹ Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi.

Joshua 2:1 Iomraidhean Croise

Pianciilna 42:16

Note sung pan khat pawpo in na pui tavun. Na thu uh a thian dong, thumaan son na hi hunlam a kisit thei mateng a dang teng sia thong sungah kong khum tu hi. Tuabang ahibuale a nungta kumpipa min lo in ka sonsa bang hi, note sia thukankute hi nanak tu nu hi,” ci in zo hi.

Pianciilna 42:9

Joseph in amate taw kisai a mangmatnate phawk kikin, “Note sia thukankute na hi uh a; koma ngamsung thaneamna mun teng a dawp tu in hong pai nu hi,” ci hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.

Mi Simna 13:1

Topa in Moses tungah,

Mi Simna 13:2

“A minam sawm le niite ii lampuite sung pan khat tek veu teal in a, thudawpkute bangin Israel te ka piak Canaan ngam a vil tu in paisak in,” ci hi,

Mi Simna 25:1

Israel te Acacia Kuam ah ngiaphual a saat lai in, pate in tua munah a om Moab numeite khialpui uh hi.

Matthew 1:5

Salmon ta Boaz hi. Boaz ii nu sia Rahab ahi hi. Boaz in a zi Ruth taw Obed hing a Obed ta Jesse hi.

Matthew 10:16

“Ngai vun! Note tuu bangin ngiahon sungah kong tha hi. Ngul bangin pilvang vun a, ngam vakhu bangin cingh tavun.

Ephesus te 5:5

A kuama po a paktatte, a thasiathuai a, a kithoaite le a duhopte (duhop sia milim biakna nam khat hi) in Pathian le Christ Ngam lua ngeingawl tu hi ci sia pha takin na he uh hi.

Hebrew te 11:31

Pumpi zuak numei Rahab sia Pathian thu a ni ngawlte taw a kithalup khop ngawl natu in a keam sia upna ahi hi. Banghang ziam cile ama in, Israel te ii ngalvilte pawlvawt in zindo hi.

James 2:25

Numei pumpi zuak Rahab zongh tuabang ma hi. Ama in Pathian mai a thutang a sua sia a ngamtatna pan hi, Israel thudawpkute huna pia in lampi dang khat panin, a suataksak ngamtatna pan ahi hi.

Joshua 1:18

Na thuneina hong thusim ngawlte le na thupiakna khat pawpo hong ni ngawlte in thina thuak tu hi. Na thin khosak in a kimuang in,” ci in zo kik uh hi.

Joshua 2:2

Jericho khua kumpipa in ngal vil tu Israel mi pawlkhat tua zanin hong pai hi ci in za hi,

Joshua 21:31

Helkath le Rehob, a nganthana leitangte taw nga khawm uh hi.

Joshua 3:1

A zing ciang zingsang in Joshua le Israel te tho pal a, Acacia ah a ngiaphual sia nusia in Jordan ah pai in, a kaantan tu ngakin tua munah ngiaphual saat uh hi.

Joshua 5:10

Jericho hui zaangtam, Gilgal ah Israel te ngiaphual a saat laitakin, tua tha a ni sawm le ni li ni nitak sangin Paisan Poai khaam uh hi.

Thukhente 18:14

Tuaciang Laish khua kiim ngam vil tu in a pai pasal nga teng in a kitholpuite mun ah, “Hi sung innte khat sungah thingngel milim ngunn taw a kituam khat a om sia na he uh ziam? Milim dangte le ephod khat zongh om hi. Tuate bang law leang na ci uh ziam?” ci hi.

Thukhente 18:17

Thiampipa kongpi ah ngalkap zaluk te taw a om lanin thudawpku nga teng sia inn sungah tangtan in hong tum uh a, ngunn taw a kituam thingngel milim, milim dangte le ephod te a la uh hi.

Thukhente 18:2

Tua ahikom Dan mite thuhe pasal nga sia amate ii nam innkuan teng sung pan teal in, Zorah khua le Eshtaol khua pan paisak a, ngamsung vil kawkoai tu le thu kankuu tu in sawl uh hi. Amate Ephraim mualtung ngam hong thet uh ciang Micah ii inn ah tung uh hi.