Joshua 18:16 - Syin Chin Bible

¹⁶ Tua mun pan paisuk a, Rephaim Kuam saksang mong Hinnom Kuam etsuk theina mualpeang ah paisuk hi. Tua mun pan Hinnom Kuam kaantan in thangsang ah paisuk a, Jebus mualbawk ii thangsang Enrogel sang sun hi.

Joshua 18:16 Iomraidhean Croise

2 Samuel 17:17

Abiathar ii tapa Jonathan le Zadok ii tapa Ahimaaz te in Jerusalem khua puasia a om Enrogel cik panin ngak uh hi, banghang ziam cile amate in khuapi sung a tum sia kimusak ngam ngawl hi. Naseam numei khat hun maanmaan in pai a, bang thu veu om ziam ci in amate tungah son hi, amate in Kumpipa David kungah pai in tua thute sonsawn uh hi.

2 Samuel 5:18

Philistine te Rephaim Kuam sung hong theng a tua mun laa uh hi.

1 Kumpite 1:9

Ni khat ni in Adonijah in Enrogel cik hui Ngul Suangpi a kicina munah tuute, khuitalte, khuino thaute taw sangaw biakpiakna khat nei hi. Ama in David kumpipa ii tapa dangte le Judah pan kumpipa ii uliante tua sangaw biakpiakna anneakpoai sungah sam hi,

2 Kumpite 23:10

Kuama in a tapa ahibuale a tanu, Molech pathian tungah meihal biakpiakna in a nei thei ngawl natu in, Josiah kumpipa in Hinnom Kuam a om Topheth a kici doaibiakna mun sia zongh lalthamsak hi.

1 Khangtaanghthu 14:9

Philistine te Rephaim Kuam theng a, vanh suttol tu kipan uh hi.

2 Khangtaanghthu 28:3

Hinnom Kuam ah ngimnamtui halin, Israel mite maisang a manaw hun lai a, Topa ii a ngamsung pan a nawkeak mite ii a zak a kiihuai nasepte zui in a tapate ngawngawn meihal biakpiakna in milimte pia hi.

2 Khangtaanghthu 33:6

Ama in a tapate Hinnom Kuam ah meihal biakpiakna in nei hi. Ama in mitbum le aisaanna zangh a, maisang thu a sontheite le thaa sam theite thu dongh hi. Ama in Topa tungah maw mama in a thin uuksak hi.

Isaiah 30:33

Nidang pek panin Assyria kumpilianpa kihal natu mei phualpi mun khat kivawt zo hi. Tua mun sia thukin zai a, thing a vum in kiseng hi. Topa ii husan ahi a kipee tan meikuang in tua mei taw tu hi.

Jeremiah 19:11

Tuaciang Vaanglianbelpa Topa in, “Hi mihingte le hi khuapi ka susia tu a, a kipua kik thei nawn ngawl a tamhtham hi thambeal taw kibang tu hi. Mithi phum natu mun dang om nawn ngawl ahikom mite in a thite sia Topheth ngawngawn ah phum tu uh hi.

Jeremiah 19:2

tuaciang Bealtamh Kongpi kaantan in Hinnom Kuam ah va pai ta'n, hong ci si hi. Tua munah hong son tu thupuak a thangsak tu ka hi hi.

Jeremiah 19:6

Tua ahikom hi mun sia Topheth ahibuale Hinnom Kuam a kici nawn ngawl tu hun hong theng tu hi. Tua mun sia Kithalupna Kuam kici zaw tu hi.

Jeremiah 32:35

Amate in a tapate le a tanute taw Molech pathian a biakpiak thei natu in Hinnom Kuam sungah Baal a tu biaknataute vawt uh hi. Hi bang a vawt tu sia amate tungah thu ka pia bua hi. Tuabang khat a vawt tu le tuaciang Judah mite mawna vawt a suasak tu sia ka ngaisun tha ngei bua hi,” hong ci hi.

Joshua 15:63

Ahihang Judah mite in Jerusalem a teang Jebus te notkeak zo ngawl hi. Tualai ah Jebus te sia Judah mite taw teang lai uh hi.

Joshua 18:28

Zela, Haeleph, Jebus (ahibuale Jerusalem) Gibeah le Kiriath Jearim hi a: khuapi sawm le li le a kiim a om khuate taw ahi hi. Hi ngam sia Benjamin nam innkuante ii nga ngam ahi hi.

Thukhente 1:21

Ahihang Benjamin nam mite in Jerusalem khua a teang Jebus te notkeak ngawl ahikom Jebus mite sia Benjamin mite taw tua hun a kipan teang khawm hi.

Thukhente 1:8

Judah mite in Jerusalem simin la uh hi. A mite thatin a khuapi haltham hi.

Thukhente 19:10

Ahihang pasal pa in tua munah zan khat taam thua nuam ngawl ahikom ama le a zino, a naseampa le a tung tona kungh kithua sa a laate nii taw vaiding hi. Amate Jebus (Jerusalem hi) nai hong thet uh ciang ni niam zo ahikom naseampa in a topa munah, “Banghangin hi Jebus khuapi ah tawlnga in zan taam maw tu hi ziam?” ci hi.