Joshua 18:1 - Syin Chin Bible

¹ Ngam a zawthal zawk uh ciang Israel taangpi bup sia Shiloh ah kikhawm in, Topa ompuina Puanbuk sa uh hi.

Joshua 18:1 Iomraidhean Croise

2 Samuel 7:6

Egypt ngam panin ka mite ka suatak hun pan kipan tu hun dong biakinn sungah teang ngeingawl khi hi; puanbuk sungah teangin khualhaw kot khi hi.

1 Kumpite 14:2

Jeroboam in a zi munah, “Nangma le nangma, kuama ii hong tel ngawl natu in kimealseal in a, kei sia Israel kumpipa suak tu hong ci, Shiloh a teang kamsaangpa Ahijah kungah va pai ta'n.

1 Kumpite 14:4

Tua ahikom ama Shiloh khua Ahijah inn ah pai hi. Khanghaam zo ahikom Ahijah sia a mittaw hi.

1 Kumpite 2:27

Tua zawkciang Solomon in thiampi Abiathar sia Topa ii thiampi a sepna pan tawpsak hi, tuabangin Topa ii Shiloh ah thiampi Eli le a suan a paalte huvau a pauna taangtungsak hi.

Nehemiah 9:24

Amate in Canaan ngam zothal a; nangma in tualai a teang mite na zo hi. Canaan kumpite le a mite tungah, a uuk bang po a vawt natu in na mite vaangletna na pia hi.

Psalm Late 78:60

Ama in eite taw hong teenkhopna sa a inn ahi Shiloh a om ama buk sia nusia hi.

Psalm Late 78:66

Ama in a ngalte sia a kikhomsuan tu maizumhuai lelna sungah not kik hi.

Jeremiah 26:6

Thu na ni bua lalai uh le, Shiloh khua tungah ka vawt bangin hi Biakinnpi tungah ka vawt tu a, leitung minamte theampo in hi khuapi ii min sia kihaamsiatna in zangh tu uh hi,” hong ci hi.

Jeremiah 26:9

Banghangin Topa min suangin hi Biakinnpi sia Shiloh khua bang suak tu a, tuaciang hi khuapi kisusia cip in kuama teang ngawl tu hi ci ni ziam,” ci in au keak uh hi. Tuaciang mihonte in kei hong uumci uh hi.

Jeremiah 41:5

Shechem, Shiloh le Samaria panin mihing sawmliat hong theng uh hi. Amate sia a khamul uh meetin a puan uh eaukeak in, amate le amate tetek kiliamsua ngawp uh hi. Amate in Biakinnpi ah piak tu in antang le paaknamtui keng uh hi.

Mi Simna 32:22

le ngam le lei a laak zawk mateng ih ngalte sim tu uh hi. Tuasia zawkciang Topa tung le Israel mipuite sungah na vaipuak teng zo siat zo tu na hikom na cia thei tu uh hi. Tua zawkciang Topa in hi Jordan nisuana ngam sia note aa hi ci in hong tepteesak tu hi.

Sawltakte 7:45

A khaksang ciangin tua tuipuanbuk a lua, ih taanghpupite in amate mai ah, Pathian ii hawlkeak minamte ii ngam a suan tu in, Joshua taw a pai uh ciangin, tua tuipuan buk sia keng uh hi. David khan hun dong, tua munah om hi.

Joshua 18:2

Amate tel saan tu leitang a piak ngawl lai Israel mite nam sali om lai hi.

Joshua 18:8

Tua pasalte ngamlim suai tu in a pai ciang, Joshua in hi bangin thupia hi: “Ngamsung theampo ah va pai tavun a, ngamlim na suai zawk uh ciang ka kungah hong cia kik tavun. Tuaciang hi lai Shiloh ah Topa kong dongh tu a, no atu in laimee ka sawk tu hi.”

Joshua 19:51

Thiampi Eleazar, Nun tapa Joshua le Israel nam teng ii innkuan lampuite in hi ngam le lei sia a hawm uh ciang, Topa ii ompuina Puanbuk kongbiang Shiloh ah, Topa a dokna in laimee sawk uh hi. Hi bangin amate in a ngam hawmna teng man uh hi.

Joshua 21:2

Tualai Canaan ngam Shiloh ah hi bangin kison hi, “Topa ii Moses tungtawnin a thupiakna pan, ko sia khuapite hong kipia tu a, ngan tat natu tua khuate ii kiim le paam lozaute zongh hong kipia tu ci hi.”

Joshua 22:12

Israel mite in hi thu a zaak uh ciang, a taangpi bup sia, nisuana sang minamte sim tu in Shiloh ah kikaikhawm uh hi.

Joshua 22:19

Tu in, na ngam na lei uh sia biakpiak natu in citaak sa ngawl na hi uh le ama Puanbuk omna Topa ii leitang tungah hong pai tavun. Ko sungah leitang pawlkhat sia ko aa hi hong ci tavun. Ahizong Topa ih Pathian biaknatau sia belapna in biaknatau khat a kisakna taw in Topa langpanin leedo heak vun, ahibuale ko zongh a leedote hong suaksak heak vun.

Joshua 22:9

Tua hi a, Reuben, Gad, le Nisuana Manasseh nam teng sia inn ah cia kik uh hi. Amate in Israel mi a taanglai teng sia Canaan ngam Shiloh ah nusia uh hi, tuaciang amate in Topa ii Moses tungah a thupiakna tungtawnin a laak sa Gilead ngam le lei zuan uh hi.

Thukhente 18:31

Shiloh ah Pathian biakna Puanbuk a om lai theampo in Micah ii milim sia tua munah taang top hi.

Thukhente 21:12

Jabesh mite sungah ngaknu thiangtho 400 mu ahikom, Canaan ngam sungah a om Shiloh ngiaphual ah paipui uh hi.

Thukhente 21:19

Tua zawkciang amate in, “Kum sim a kivawt Topa poaipi sia Shiloh ah tung dektak zo hi,” ci sia ngaisun uh hi. (Shiloh sia Bethel saksang, Lebonah ii thangsang Bethel le Shechem kilaklaw a lampi sia ii nisuana sangah om hi.).

1 Samuel 1:24

Ama in nau noai a tensak zawkciang Shiloh ah paipui a, kum thum a pha khuital khat, anvui kilogramme 10 le savun ip sungah sapittui a dim keng hi. Ama in Samuel sia moi mama ahihang Topa inn Shiloh ah paipui hi.

1 Samuel 1:3

Kum simin Elkanah sia Topa Vaanglianbelpa bia tu le sangaw biakpiakna vawt tu in Ramah pan Shiloh ah pai hi, tua munah Eli ii tapa nii te Hophni le Phinehas sia Topa ii thiampi seam uh hi.