Joshua 17:11 - Syin Chin Bible

¹¹ Issachar le Asher ngamte ii sungsang ah Manasseh in Beth Shan le Ibleam, a kiim a om khuate taw, tuaciang Dor (tuipi hui a om sia), Endor, Taanach, Megiddo le a kiim a khuate taw zongh nei hi.

Joshua 17:11 Iomraidhean Croise

2 Samuel 21:12

ama pai a, Gilead ngam Jabesh mite kung panin Saul le a tapa Jonathan ii ngu la hi. (Amate in Gilboa mualvum tung a Saul a kithalup ni in Philistine te ii a luang a khaina Beth Shan taangpi khawlmun panin ngu uh hi.)

1 Kumpite 9:15

Kumpipa Solomon in Biakinnpi sak natu, kumpi inn sak natu le khuapi ii nisuana sang teng lei vuk natu le khuapi luphung cian natu in, zawthawk thu taw a kisawl naseamte zangh hi. Amate in khuapite ahi Hazor, Megiddo, le Gezer khuate saat natu in tuate ma zangh hi.

2 Kumpite 9:27

Kumpipa Ahaziah in bang teng piang ci in mu a, a siphu ngalleang taw Beth Haggan khua sangah tai a, Jehu in del hi. “Ama zongh that vun,” ci in Jehu in a mite sawl hi, tuaciangin ama a siphu ngalleang Ibleam khua hui Gur sang lam tungah hawlto a, amate in liamsua hi. Ahihang Megiddo khuapi a thet dong a leang hawl thei a, tua mun a thet ciang thi hi.

1 Khangtaanghthu 6:70

Amate sia Manasseh Nitumna ngam sungah Aner le Bileam khuate le a kiim a om nganthana munte kipia hi.

1 Khangtaanghthu 7:29

Manasseh suan le paalte in Beth Shean, Taanach, Megiddo le Dor, le a kiim ah khuate uk hi. Hite theampo Jacob ii tapa Joseph ii suan le paalte teenna munte hi.

2 Khangtaanghthu 35:22

Ahihang Josiah in sim sawm veve hi. Ama in Pathian ii Neco kumpipa tungtawnin a thusonte na ngai ngawlin kimealseal in Megiddo zaangtam ah ngalsim hi.

Psalm Late 83:10

Endor ah nangma in amate na zothal a, amate luang lei ah a muat uh hi.

Jeremiah 49:2

Ahizong Rabbah khuapi ah a teang mihingte in ngal kidona aw ka zaaksak tu hun hong theng tu a, a khuapi kisiacip in a khuanote kihaltum tu hi. Tuasia ciang Israel in a ngam hong laaksak mite kung pan a ngam la kik tu uh hi.

Zechariah 12:11

Tua laitakin Jerusalem ah heena kaana sia Megiddo zaangtam a Hadad-rimmon atu heena le kaana za in nasia tu hi.

Joshua 11:2

saksang mualtung ngam kumpite, Galilee Tuili thangsang Jordan Kuam, mualpeangte le tuipi hui Dor nai a kumpite munah kam taw thu zasak hi.

Joshua 12:21

Taanach, Megiddo,

Joshua 12:23

Dor (Tuipi hui ah), Goiim (Galilee ngam sungah)

Joshua 16:9

Manasseh ngamngite ii sungsang a om khuate le khuano pawlkhat taw kopin Ephraim te kipia khawm hi.

Joshua 17:10

Ephraim sia thang sangah, Manasseh sia saksang ah om a, Mediterranean Tuipi sia amate ii nitumna sang ngamngi hi.

Joshua 17:16

Amate in, “Mualtung ngam sia ko atu lian ngawlin kicing zo ngawl hi, ahihang zaanglei a teang Beth Shan le a kiim khuate le, Jazreel Kuam sungah teangte Canaan te in thik siphu ngalleang nei tek uh hi,” ci in zo kik hi.

Thukhente 1:27

Manasseh namte in Beth Shan, Taanach, Dor, Ibleam, Megiddo, le a nai a khuate sung a teang mite a notkhia bua uh hi; Canaan mite tua munah teang suak uh hi.

Thukhente 5:19

Megiddo luihui Taanach khua ah, kumpite hong pai in kido hi; Canaan kumpite in ngalsim uh a; ahihang amate in ngunn bangma ciapui ngawl hi.

1 Samuel 28:7

Tuasia ciang Saul in a uliante thupia a, “Thaa sam thei nupi khat va zong tavun, keima pai in thu dongh tu khi hi,” ci hi. Amate in, “Endor ah khat om hi,” ci in zo uh hi.

1 Samuel 31:10

Tua zawkciang amate in Saul ii ngalhiamte a Astarte numeipathian biakinn sungah koi in, a luang sia Beth Shan khuapi luphung tungah kilh uh hi.

1 Samuel 31:12

pasal hangbel teng hong kipanin Beth Shan ah zankhuateak a pai uh hi. Amate in Saul le a tapate ii luang teng luphung tung pan la in, Jabesh ah ciapui kik a, tua munah hal uh hi.