Joshua 15:8 - Syin Chin Bible

⁸ tuaciang Jebus te khuapi Jerusalem omna mual ii thang Hinnom Kuam kaantan to hi. Tua zawkciang ngamngi sia Rephaim Kuam saksang mong, Hinnom Kuam ii nitumna a om mual dawn dong paito suak hi.

Joshua 15:8 Iomraidhean Croise

2 Samuel 5:18

Philistine te Rephaim Kuam sung hong theng a tua mun laa uh hi.

2 Samuel 5:22

Tua zawkciang Philistine te in Rephaim Kuam ah heak kikin tua mun la kik uh hi.

2 Kumpite 23:10

Kuama in a tapa ahibuale a tanu, Molech pathian tungah meihal biakpiakna in a nei thei ngawl natu in, Josiah kumpipa in Hinnom Kuam a om Topheth a kici doaibiakna mun sia zongh lalthamsak hi.

1 Khangtaanghthu 11:4

David kumpipa le Israel mite theampo pai in Jerusalem khuapi sim uh hi. Tualai in Jerusalem khuapi sia Jebus kici a tua munah a teang masa Jebus te ma teang lai uh hi.

2 Khangtaanghthu 28:3

Hinnom Kuam ah ngimnamtui halin, Israel mite maisang a manaw hun lai a, Topa ii a ngamsung pan a nawkeak mite ii a zak a kiihuai nasepte zui in a tapate ngawngawn meihal biakpiakna in milimte pia hi.

Nehemiah 11:30

Zanoah, Adullam khua te sung le hi khua te ii a kiim a paam khuanote ah teang uh hi. Amate Lachish le a naina lote sungah le Azekah khua le a khuanote ah teang uh hi. Judah mite teenna ngam sia thangsang ah Beersheba le saksangah Hinnom Kuam kilaklaw teng kici thei hi.

Isaiah 17:5

Israel sia ankung a kisaattan, an kila sa lo khat, Rephaim kuam sung lo kolh khat taw kibang tu hi.

Jeremiah 19:14

Tuaciang Topa in ama thupuak thangsak tu a hong sawlna mun Topheth ka nusia hi. Biakinnpi huang sungah pai in, ka ding a, mi theampo tungah,

Jeremiah 19:2

tuaciang Bealtamh Kongpi kaantan in Hinnom Kuam ah va pai ta'n, hong ci si hi. Tua munah hong son tu thupuak a thangsak tu ka hi hi.

Jeremiah 19:6

Tua ahikom hi mun sia Topheth ahibuale Hinnom Kuam a kici nawn ngawl tu hun hong theng tu hi. Tua mun sia Kithalupna Kuam kici zaw tu hi.

Joshua 15:63

Ahihang Judah mite in Jerusalem a teang Jebus te notkeak zo ngawl hi. Tualai ah Jebus te sia Judah mite taw teang lai uh hi.

Joshua 18:16

Tua mun pan paisuk a, Rephaim Kuam saksang mong Hinnom Kuam etsuk theina mualpeang ah paisuk hi. Tua mun pan Hinnom Kuam kaantan in thangsang ah paisuk a, Jebus mualbawk ii thangsang Enrogel sang sun hi.

Joshua 18:28

Zela, Haeleph, Jebus (ahibuale Jerusalem) Gibeah le Kiriath Jearim hi a: khuapi sawm le li le a kiim a om khuate taw ahi hi. Hi ngam sia Benjamin nam innkuante ii nga ngam ahi hi.

Thukhente 1:21

Ahihang Benjamin nam mite in Jerusalem khua a teang Jebus te notkeak ngawl ahikom Jebus mite sia Benjamin mite taw tua hun a kipan teang khawm hi.

Thukhente 1:8

Judah mite in Jerusalem simin la uh hi. A mite thatin a khuapi haltham hi.

Thukhente 19:10

Ahihang pasal pa in tua munah zan khat taam thua nuam ngawl ahikom ama le a zino, a naseampa le a tung tona kungh kithua sa a laate nii taw vaiding hi. Amate Jebus (Jerusalem hi) nai hong thet uh ciang ni niam zo ahikom naseampa in a topa munah, “Banghangin hi Jebus khuapi ah tawlnga in zan taam maw tu hi ziam?” ci hi.