Joshua 15:4 - Syin Chin Bible

⁴ Azmon sangah paitanin, Egypt ngamngi ah a luang lui sia zui a, Mediterranean Tuipi ah a ngamngi tawp hi. Tuasia Judah thangsang ngamngi hi.

Joshua 15:4 Iomraidhean Croise

Pianciilna 15:18

Tuasia ciang tua munah Topa in Abram taw thuciamna khat vawt hi. Ama in, “Na suan na paalte tungah Egypt ngamngi pan Euphrates ngun dong,

1 Kumpite 8:65

Tua mun Biakinnpi ah Solomon le mite theampo in a Buk Poai sia ni sali sung vawt uh hi. Tua munah saksang Hamath Mualciangh pek pan le thangsang Egypt ngamngi pan hong pai mihon tam mama om hi.

Pusuana 23:31

Na ngamngi uh kong vawtsak tu a, Aqaba Tuidok pan Mediterranean Tuipi dong le sennealngam pan Eupharates Ngun dong hi tu hi. Tua ngam ah a teangte tungah vaang neina kong pia tu a, maisang na manaw uh ciang na notkeak tu uh hi.

Isaiah 27:12

Tua ni in, Euphrates ngun pan kipan Egypt ngamngi dong, taangcilte khat po in a zungtaang a tak le a si a khen bangin, Topa in a mihingte khat zawkciang khat kaikhawm tu hi.

Mi Simna 34:5

tua mun pan Egypt ngamngi kuam sangah kot tu a, Mediterranean ah tawp tu hi.

Joshua 13:3

thang sangah Avvim te ngam theampo zongh ahi hi. (Shihor lui pan Egypt te ngamngi dong, saksang pan Ekron te ngamngi dong leitang teng sia Canaan te ngam in kingaisun hi; Philistine kumpite sia Gaza, Ashdod, Ashkelon, Gath, le Ekron ah teang hi.)

Joshua 15:3

Akrabbin Mualciangh zui suk a, Zin ah sun hi. Tuasia Kadesh Barnea thang sangah paisuk a, Hezron kaantan in Addar dong, Karka sangah kiheak a,

Joshua 15:47

Tualai ah Ashdod le Gaza om a, tuate ii khuate le khuanote taw om a, Egypt ngamngi ahi lui le Mediterranean Tuipi vaalbo dong ahi hi.