Joshua 14:3 - Syin Chin Bible

^3-4 Moses in Jordan nisuana ngam sia nam nii le namlangte atu a seesak sa hi. (Joseph ii suante sia Manasseh nam le Ephraim nam ci in nam nii in kikhen hi.) Ahihang Moses in Levi te sia ngam bangma a pia bua hi. Tua taangin a teen natu khuapite, a khui le a tuu honte tat natu lote nga hi.

Joshua 14:3 Iomraidhean Croise

Ezekiel 45:1

Minam sim tungah piak tu leitang khenin a kihawm ciang, khen khat sia Topa tungah ki aap tu hi. Tuasia kilometre 12.5 sau in kilometre 10 zai tu hi. Hi mun bup sia thiangtho tu hi.

Joshua 12:6

Hi kumpite nii sia Moses le Israel te in zo hi. Topa naseampa Moses in amate ngam sia Reuben nam, Gad nam le Manasseh nam a langte tungah amate ngam le lei tu in pia hi.

Joshua 13:14

Moses in Levi nam sia ngam le lei a pia bua hi. Topa ii Moses tungah a sonsa bangma in Israel ii Topa Pathian biakpiakna tau tungah a hal sangaw biakpiaknate sung pan tel khat sia amate in tang tu hi.

Joshua 13:16

Amate ngam sia Aroer (Arnon Kuam kiil a om) le tua kuam laizang a om khuapi dong hi a Medeba mual zaangtam kiim teng kihel hi.

Joshua 13:17

Tuasia sungah Heshbon le mual zaangtam tung a om khuapite: Dibon, Bamoth Baal, Beth Baalmeon,

Joshua 13:8

Reuben le Gad nam te le Manasseh ii nam a lang teng in Topa naseampa Moses ii piaksa ngam le lei tek nga zo a; tuasia Jordan ngun ii nisuana sangah om hi.