Joshua 13:6 - Syin Chin Bible

⁶ Hisia Lebanon Mualte le Misrephoth Maim kilaklaw mualtung ngam a teang Sidon te ngam theampo kihel hi. Israel mite a mai sang a nawk kawmin hi mite theampo ka notkhia tu hi. Kong sawl sa bangma in ngam le lei te sia Israel mite sungah na hawmsak tu uh hi.

Joshua 13:6 Iomraidhean Croise

Psalm Late 80:8

Nangma in sapitkung khat Egypt panin na la a, minam dangte hawlkeak in amate leitang tungah tuasia na suan hi.

Mi Simna 33:54

Namte le bee le phung tuatuam sungah lai meetang sawkin ngam hawm vun, bee le phung tamte sia ngamzai pia in, bee le phung tawmte sia ngamno pia vun.

Joshua 1:6

Na thin khosak in a kimuang in, banghang ziam cile a taanghpupite tungah ka kamciamsa hi ngam le lei a laak uh ciang hi mite ii lampui pa na hi tu hi.

Joshua 11:12

Joshua in hi khuapi teng la a, kumpipate manin, Topa naseam Moses ii thupiakna bangin, mi theampo thisak uh hi.

Joshua 11:8

Topa in Israel te zawna pia hi; Israel te in ngalte sia saksang ah Misrephoth Maim le Sidon dong nisuana sang pan Mizpah kuam dong simin del uh hi. A ngalte khat zongh a nungta a om nawn ngawl dong kido tan uh hi.

Joshua 13:7

Tua ahiciang tu in, Israel nam kua le Manasseh ii nam a lang teng ii tan tu in hawmsak in” ci hi.

Joshua 23:13

Topa na Pathian in hi minamte sia maisang na manaw uh ciang hong nawkeaksak nawn ngawl het tu ahi sia na he thei hi. Amate sia no atu in thaang bang, vuum bangin hong lauhuai zaw tu a, thibin pan kivel bang, mittang sung ling do bangin hong na zaw tu hi. Topa na Pathian ii hong piaksa hi leitang hoi tungah note kuama na om nawn ngawl uh dong hisia kipee tan tu hi.

Joshua 23:4

Ngamsung minam a taanglai te ii leitang sia noma namte atu kong pia zo a, nisuana Jordan ngun pan nitumna Mediterranean Tuipi dong ka zawthal sa minam teng ii ngam zongh kong khensak zo hi.

Joshua 23:5

Topa na Pathian in no kung pan amate nungkinsak tu a, tuaciang mai sang na manaw uh ciang amate hawlkeak tu hi. Topa na Pathian ii hong kamciamsa bangin amate ngam sia na tang tu uh hi.