Joshua 13:33 - Syin Chin Bible

³³ Ahihang Moses in Levi nam sia leitang a pia bua hi. Israel ii Topa Pathian tungah a piak biakpiaknate sung pan tel khat amate ii neisa ahi sia ama sonsa hi.

Joshua 13:33 Iomraidhean Croise

Ezekiel 44:28

“Israel tungah ka piaksa khang khat pan khang dangkhat ah a ki aap susuk tu thiampiza sia thiampite ii a saan tel ahi hi. Israel ngam ah thiampite in nei le lamh nei ngawl tu a; amate kisap theampo sia keima ka hi hi.

Mi Simna 18:20

Topa in Aaron tungah, “Nangma in a kilua thei na khat pawpo saang ngawl tu ni hi, Israel leitang khen khat zongh nang hong kipia ngawl tu hi. Keima, Topa sia nangma ii na kisap buppi ka hi hi.” ci hi.

Thuhil kikna 10:9

Tua ahikom Levi nam in nam dangte nga bangin lo ngam nga ngawl hi; amate ii nga sia Topa na Pathian ii kamciam bangin Topa ii thiampite a hina hamphatna sia ahi hi.)

Joshua 13:14

Moses in Levi nam sia ngam le lei a pia bua hi. Topa ii Moses tungah a sonsa bangma in Israel ii Topa Pathian biakpiakna tau tungah a hal sangaw biakpiaknate sung pan tel khat sia amate in tang tu hi.

Joshua 13:32

Tuasia Jericho le Jordan nisuana sang ngam le lei teng Moses ii Moab zaangtam ah a om lai in a khensakna bang ahi hi.

Joshua 18:7

Levi te ahile no a dangte bangin leitang tel a saang buatu hi, banghang ziam cile amate tel sia Topa ii thiampi a sepna ahi hi. Tuaciang Gad, Reuben le Nisuana Manasseh namte in, Topa naseampa Moses ii Jordan nisuana ngam a piaksa sia nga zo hi.”