Joshua 13:3 - Syin Chin Bible

³ thang sangah Avvim te ngam theampo zongh ahi hi. (Shihor lui pan Egypt te ngamngi dong, saksang pan Ekron te ngamngi dong leitang teng sia Canaan te ngam in kingaisun hi; Philistine kumpite sia Gaza, Ashdod, Ashkelon, Gath, le Ekron ah teang hi.)

Joshua 13:3 Iomraidhean Croise

Pianciilna 10:6

Ham ii tapate — Cush, Egypt, Libya le Canaan — sia amate ii min a pu, mite ii taanghpupite ahi hi.

Pianciilna 15:18

Tuasia ciang tua munah Topa in Abram taw thuciamna khat vawt hi. Ama in, “Na suan na paalte tungah Egypt ngamngi pan Euphrates ngun dong,

1 Kumpite 8:65

Tua mun Biakinnpi ah Solomon le mite theampo in a Buk Poai sia ni sali sung vawt uh hi. Tua munah saksang Hamath Mualciangh pek pan le thangsang Egypt ngamngi pan hong pai mihon tam mama om hi.

1 Khangtaanghthu 13:5

Tua hi a, David in Israel ngamsung theampo, thangsang Egypt ngamngi pan saksang Hamath Mualciangh dong ah a teang Israel mite Kiriath Jearim pan Jerusalem khuapi ah Thuciamna Thingkuang paipui tu in kikhawmsak hi.

Isaiah 23:3

Egypt ngam ah a piang ante a lei a zuak tu le ngam theampo taw sum vawt kipee tu in tuipi kaantan in mihingte na paisak uh hi.

Jeremiah 2:18

Egypt ngam ah pai in Nile nguntui neakna taw bang phatuamna nga tu ki um ni ziam? Assyria ngam ah pai in Euphrates nguntui neakna taw bang phattuamna nga tu ki um ni ziam?

Thuhil kikna 2:23

Crete tuikulh mite Mediterranean tuipivaal tengah teang uh hi. Amate in a teang ciil Avvim te mon in thangsang Gaza khuapi dongin a ngam theampo laaksak hi.)

Joshua 13:13

Ahihang Israel te in Geshur le Maacah mite not ngawl uh a; amate Israel ngam ah teang lai uh hi.

Thukhente 16:5

Philistine kumpi ngate sia tua nu kungah pai in, “Ama sia banghangin tuza in hat a, bangbang hi leang ama kizo thei tu a, letheen in a cimaw in kikoi thei tu ziam ci in nangma tung hong son thei natu in, Samson theam vawt in. Ko khat simin ngunntang tul le zakhat tek hong pia tu khu hi,” ci uh hi.

Thukhente 3:3

A ngamsung a taanglai teng sia Philistine te khuapi nga hi a, Canaan te, Sidon te a vekpi le Lebanon Mualte tung, Baal Hermon Mual pan Hamath Mualciangh dong a teang Hiv te ahi hi.

1 Samuel 5:1

Philistine te in Thuciamna Thingkuang a matsak zawkciang, Ebenezer panin amate khuapi Ashdod ah pua uh a,

1 Samuel 5:10

Tua ahikom amate in Thuciamna Thingkuang sia Ekron a kici Philistine te khuapi dang khat ah puak uh hi; ahihang tuasung a thet ciang, mihingte au keak in, “Israel te ii Pathian ii Thuciamna Thingkuang sia amate in ei theampo hong thalup natu in hi sung hong then hi!” ci uh hi.

1 Samuel 5:8

Tua ahikom a kamtai te in Philistine kumpi nga teng samsak a, “Israel ii Pathian ii Thuciamna Thingkuang sia bang law tu hi ziam?” ci in dongh uh hi. Amate in, “Tuasia Gath ah paipui tavun,” ci in zo uh hi; tua ahikom amate in Philistine khuapi dang khat ahi Gath ah paipui uh hi.

1 Samuel 6:4

“Ama bang letsong pia tu hi ziam?” ci in mite in dongh uh hi. Amate in zo kik a, “Khamh taw a kivawt meimapui lim nga le Philistine kumpi khat sim atu khamh sanchiim lim nga hi tu hi. Ngimna lianpi sia a kibangin no theampo tung le kumpi nga teng tungah hong tung hi.