Joshua 13:14 - Syin Chin Bible

¹⁴ Moses in Levi nam sia ngam le lei a pia bua hi. Topa ii Moses tungah a sonsa bangma in Israel ii Topa Pathian biakpiakna tau tungah a hal sangaw biakpiaknate sung pan tel khat sia amate in tang tu hi.

Joshua 13:14 Iomraidhean Croise

Ezekiel 44:28

“Israel tungah ka piaksa khang khat pan khang dangkhat ah a ki aap susuk tu thiampiza sia thiampite ii a saan tel ahi hi. Israel ngam ah thiampite in nei le lamh nei ngawl tu a; amate kisap theampo sia keima ka hi hi.

Ezekiel 44:29

Antang taw biakpiakna, mawna le khialna kiphel natu biakpiakna le kitatna in a kipia biakpiakna theampo sia thiampite an hi tu a, Israel ngam ah keima atu in a kipia tuam theampo amate nga tu ahi hi.

Thuhil kikna 10:9

Tua ahikom Levi nam in nam dangte nga bangin lo ngam nga ngawl hi; amate ii nga sia Topa na Pathian ii kamciam bangin Topa ii thiampite a hina hamphatna sia ahi hi.)

Thuhil kikna 12:12

Tua mun Topa mai ah na tate, na naseamte le na khuate sungah a teang Levi te taw lungnuam khawm tavun; Levi te in lo ngam a nei ngawl natu thu phawk tavun.

Thuhil kikna 12:19

Na ngam sungah na teen uh laiteng Levi te zongh na ngaingon peuma heak vun.

Joshua 13:13

Ahihang Israel te in Geshur le Maacah mite not ngawl uh a; amate Israel ngam ah teang lai uh hi.

Joshua 13:15

Moses in ngam khen khat sia Reuben ii nam innkuante tan tu in pia hi.

Joshua 13:33

Ahihang Moses in Levi nam sia leitang a pia bua hi. Israel ii Topa Pathian tungah a piak biakpiaknate sung pan tel khat amate ii neisa ahi sia ama sonsa hi.

Joshua 18:7

Levi te ahile no a dangte bangin leitang tel a saang buatu hi, banghang ziam cile amate tel sia Topa ii thiampi a sepna ahi hi. Tuaciang Gad, Reuben le Nisuana Manasseh namte in, Topa naseampa Moses ii Jordan nisuana ngam a piaksa sia nga zo hi.”