Joshua 13:11 - Syin Chin Bible

¹¹ Gilead, Geshur le Maacah ngamte, Hermon Mual bup le, Bashan bup Salecah dong kihel hi.

Joshua 13:11 Iomraidhean Croise

Pianciilna 37:25

An a neak laitak Gilead pan Egypt ah khual a haw Ishmael te honkhat thakhat thu in mu uh hi. A kalaohte sia hel namtui le thingnaai te puasak uh hi.

1 Khangtaanghthu 2:23

Ahihang Geshur le Aram kumpi ngamte in tua munah khua 60 zothal a, tuasung ah Jair le Kenath khuanote le a kiim a khuate kihel hi. Tua munah a teang mite theampo sia Gilead ii pa Machir ii suan le paalte ahi uh hi.

1 Khangtaanghthu 5:11

Gad minamte sia Reuben namte ii teenna saksang Bashan ngam sungah nisuana sang Salecah dongin teang uh hi.

Mi Simna 32:29

“Gad le Reuben mite in Jordan kaantan in Topa thupiakna taw ngalsim tu in kinging a, amate huna taw note in ngam na la zo uh le, Gilead ngam sia amate atu in pia vun.

Thuhil kikna 3:10

Bashan Kumpipa Og ii ngam theampo eite in ih la a: mual zaangtam tungah khuapite, Gilead le Bashan ngamte nisuana sang Salecah le Edrei khuate dong ahi hi,” ci hi. (

Joshua 11:3

Jordan ngun lang le lang a teang Canaan te tung le Amor te, Hit te, Periz te, mual tungah a teang Jebus te, Mizpah ngam Hermon Mual nuai a teang Hiv te munah zongh thu zasak hi.

Joshua 13:10

Tuasia Ammon te ngamngi dong hi a, Heshbon pan a uk Amor te kumpipa Sihon ii khuapi theampo zongh kihel siat hi.

Joshua 13:2

Philistia le Geshur te ngam theampo,

Joshua 13:25

Amate ii ngam sia, Jazer le Gilead khuapi theampo, Ammon ngam a lang, Rabbah ii nisuana sang Aroer dong ahi hi;

Joshua 17:5

Tua hu in Manasseh in Jordan Ngun ii nisuana sangah Gilead le Bashan belapna in leitang tel sawm nga hi,

1 Samuel 13:7

a dangte Jordan ngun kan in, Gad le Gilead te ngamsung zuan uh hi. Saul sia Gilgal ma ah om lai a, ama taw a om mite lau in liing uh hi.