Joshua 12:6 - Syin Chin Bible

⁶ Hi kumpite nii sia Moses le Israel te in zo hi. Topa naseampa Moses in amate ngam sia Reuben nam, Gad nam le Manasseh nam a langte tungah amate ngam le lei tu in pia hi.

Joshua 12:6 Iomraidhean Croise

1 Kumpite 4:19

Uri tapa Geber: Amor kumpipa Sihon le Bashan kumpipa Og ii a ukna sa Gilead ngamkhen Hi ngam uk sawm le niite ii tungsia ah ngam bup a uk mang khat om hi.

Mi Simna 32:29

“Gad le Reuben mite in Jordan kaantan in Topa thupiakna taw ngalsim tu in kinging a, amate huna taw note in ngam na la zo uh le, Gilead ngam sia amate atu in pia vun.

Mi Simna 32:32

Kote in hi lai Jordan nisuana mun ka neisa ka nga kik thei natu uh in ama thupiakna nuai ah Canaan ngam kaantan in ngal ka sim tu uh hi,” ci in zo uh hi.

Mi Simna 32:33

Tua ahiciang, Moses in Amor Kumpi Sihon, le Bashan Kumpi Og ngam theampo le a kiim a paam khua le ngamte Gad le Reuben namte tung le Manasseh ii nam a khenlang tungah ngam khen hi.

Joshua 14:3

Moses in Jordan nisuana ngam sia nam nii le namlangte atu a seesak sa hi. (Joseph ii suante sia Manasseh nam le Ephraim nam ci in nam nii in kikhen hi.) Ahihang Moses in Levi te sia ngam bangma a pia bua hi. Tua taangin a teen natu khuapite, a khui le a tuu honte tat natu lote nga hi.

Joshua 18:7

Levi te ahile no a dangte bangin leitang tel a saang buatu hi, banghang ziam cile amate tel sia Topa ii thiampi a sepna ahi hi. Tuaciang Gad, Reuben le Nisuana Manasseh namte in, Topa naseampa Moses ii Jordan nisuana ngam a piaksa sia nga zo hi.”

Joshua 22:4

Tu in ama kamciam bangma in, Topa na Pathian in na Israel mipuite kilemna hong pia zo hi. Tua ahikom Topa naseampa Moses ii hong piak Jordan nisuana sangah noma atu na laak na inn na lo uh ah cia kik tavun.