Joshua 12:1 - Syin Chin Bible

¹ Israel mite in ngal teng zo thal zo in Jordan nisuana Arnon Kuam pan Jordan Kuam le saksang Hermon Mual dong ngam le lei la hi. Amate in hi kumpipate nii zo hi.

Joshua 12:1 Iomraidhean Croise

1 Kumpite 4:19

Uri tapa Geber: Amor kumpipa Sihon le Bashan kumpipa Og ii a ukna sa Gilead ngamkhen Hi ngam uk sawm le niite ii tungsia ah ngam bup a uk mang khat om hi.

Psalm Late 133:3

Hermon Mualvum tungah daaitui Zion mualte tungah a kia sia taw kibang hi. Tuasia in tawpna a nei ngawl nuntakna a kici Topa ii thupha piak tu a kamciamna mun ahi hi.

Psalm Late 136:21

Amate ngam teng a mite piaksak hi; ama ii itna kip tawntung hi.

Psalm Late 89:12

Saksang le thangsang na bitphua hi; Tabor Mual le Hermon Mualte in lungdam in nangma la hong sak hi.

Isaiah 16:2

Amate in Arnon Ngun vaalbo tung pan ngak a, vacimte a bu uh pan a kinawkeak ciang a ci a law a heak ngawl bangin vak kawkoai uh hi.

Mi Simna 21:13

Tua mun pan kikhiin kik leleau a, Arnon Ngun ii saksang Amor ngam dong a zai duisung ah ngiaphual saat uh hi. (Arnon sia Moab le Amor mite ngamngi ahi hi.)

Mi Simna 21:21

Tua zawkciang Israel mite in Amor te kumpi Sihon kungah kamtaite paisak a:

Mi Simna 21:24

Ahizong ngal kidona ah Israel te in a ngalte tam mama that a, Arnon ngun pan Jabbok saksang dong laaksak hi, banghang ziam cile tua mun sia Ammon ngam hi a, Ammon te in a ngamngi nasia takin hung uh hi.

Mi Simna 32:19

Kote in hi lai Jordan nisuana sangah tel nga zo ka hi uh kom Jordan langkhat amate sungah tel dang ka la buatu uh hi,” ci uh hi.

Mi Simna 32:32

Kote in hi lai Jordan nisuana mun ka neisa ka nga kik thei natu uh in ama thupiakna nuai ah Canaan ngam kaantan in ngal ka sim tu uh hi,” ci in zo uh hi.

Mi Simna 32:33

Tua ahiciang, Moses in Amor Kumpi Sihon, le Bashan Kumpi Og ngam theampo le a kiim a paam khua le ngamte Gad le Reuben namte tung le Manasseh ii nam a khenlang tungah ngam khen hi.

Thuhil kikna 2:24

“Moab ngam ih kaantan zawkciang Topa in eite tungah, ‘Tu pan kipan Arnon Ngun kaantan vun. Amor mi Heshbon Kumpipa Sihon sia a ngam taw kopin na khut sungah kong pia khawm hi. Ama simin, a ngam lua tu kipan vun.

Thuhil kikna 2:32

Sihon sia a mi teng theampo taw Jahaz khua hui ah eite sim tu in hong pai hi,

Thuhil kikna 3:1

“Tua zawkciang saksang Bashan ngam sang ih manaw a, Edrei khua hui ah eite hong sim tu in Og Kumpipa sia a mi theampo taw hong pai hi.

Thuhil kikna 4:44

Moses in Pathian thukham le a hilciannate Israel mite tungah pia hi.

Thuhil kikna 4:48

Tua ngam sia Arnon Ngun hui ah a om Aroer khua pan saksang Sirion Mual ahi Hermon mual dong kipee hi.

Joshua 1:15

Topa na Pathian ii amate a piaksa Jordan nitumna sang ngam teng a laak uh mateng tuabangin ngamta tu nu hi. Ama in Israel nam teng a vekpi in ngammuanna a piak zawkciang Topa naseampa Moses ii no hong piak Jordan nisuana ngam, hi lai ah a teang tu in nong cia kik thei tu uh hi,” ci hi.

Joshua 11:17

A ngam sia thangsang Edom hui Halak Mual panin kithungsuk a, saksangah Baalgad, Lebanon leikuam sung Hermon Mual thangsang dong zai hi. Joshua sia hi ngam a kumpite taw khuangeipi ma kisim ahihang tuate la in amate thatlum siat hi.

Joshua 11:3

Jordan ngun lang le lang a teang Canaan te tung le Amor te, Hit te, Periz te, mual tungah a teang Jebus te, Mizpah ngam Hermon Mual nuai a teang Hiv te munah zongh thu zasak hi.

Joshua 13:8

Reuben le Gad nam te le Manasseh ii nam a lang teng in Topa naseampa Moses ii piaksa ngam le lei tek nga zo a; tuasia Jordan ngun ii nisuana sangah om hi.

Joshua 22:4

Tu in ama kamciam bangma in, Topa na Pathian in na Israel mipuite kilemna hong pia zo hi. Tua ahikom Topa naseampa Moses ii hong piak Jordan nisuana sangah noma atu na laak na inn na lo uh ah cia kik tavun.

Thukhente 11:18

Tuaciang amate sia sennealngam kaantan in, Edom le Moab ngamte kiimkot a, Moab ii nisuana sang Arnon ngun langkhat a thet dong paitan uh hi. Amate in tua munah ngiaphual saat ahihang Arnon a kaantan bua hi, banghang ziam cile tuasia Moab ngamngi ahihang hi.