Joshua 11:6 - Syin Chin Bible

⁶ Topa in Joshua munah, “Amate kiita heak in. Zing ciang tubang hunin Israel atu in amate thatlum siat tu khi hi. Noma in a siphute a peang baisak in, a siphu ngalleangte haltham tu nu hi,” ci hi.

Joshua 11:6 Iomraidhean Croise

2 Samuel 8:4

David in siphu ngalkap 1,700 le, lei ngalkap 20,000 matsak hi. Ama in siphu ngalleang zakhat atu a kicing khom siphu la in, a dang teng theampo a peangbaisak siat hi.

2 Kumpite 6:16

Elisha in, “Lau heak in, amate sangah a pangte sangin ei sangah hong pangte tamzaw hi,” ci in zo kik hi.

2 Khangtaanghthu 20:16

Zing ciang amate Ziz mualciangh lam hong totto laitakin sim vun. Jeruel nai ngam tawnghtol sang paina leikuam tawpna ah na kisi tu uh hi.

Psalm Late 46:10

“Kisim kidona tawp vun a, Pathian ka hina hong tel tavun, minamte ii sungah a lianbel le leitung ii tungsia ah a lianbel ka hi hi” ci hi.

Psalm Late 46:11

Vaanglianbelpa Topa in ei taw hong omkhawm hi. Jacob ii Pathian sia ih bukna ahi hi.

Psalm Late 46:9

Ama in leitung theampo ah ngal kidonate thimsak hi; ama in thalkawngte thiaktan a, teite susia in, lumte haltham hi.

Paunakte 20:7

A pa uh thumaan a, a maan nasep a seam le, a tate sia hampha uh hi.

Isaiah 30:16

Tuasia luangin, siphu tai ngang mama tung to in na ngalte khut sung pan suatak tu na sawm uh hi. Maan nu hi — suatak natu ahile noma sep tu ma hi! Na siphute ngang khop hi ci in ngaisun nu hi, ahihang no hong delte ngang zaw lai tu hi!

Isaiah 31:1

Egypt ngam ah huna ngenin a paite a lal ahi hi! Amate in Egypt te ii ngalkap thahatna — siphute, siphu ngalleangte le ngalkapte suang uh hi. Ahihang amate in Israel mite ii a thiangtho Pathian ahi, Topa suang ngawlin huna zongh ngen ngawl uh hi.

Ezekiel 39:9

Israel khuapite ah a teang mite pai in, a kinusia ngalhiamte thingthu tu in khawm tu uh hi. Lumte, thalte, thaltangte, teite le molte thingin thut tu a, kum sali sung khom tu uh hi.

Hosea 14:3

Assyria in ko hong hung thei ngeingawl a, ngal siphute in ko hong dal thei ngawl hi. Kote in milimte tungah ka Pathian hi ci kik ngei nawn bua vak ung. Topa awng, nangma in belh tu dang a nei ngawlte hesuak ni hi.”

Nahum 2:13

Topa Vaanglianbelpa in, “Keima in na ngalpa ka hi hi! Na siphu leangte haltum tu khi hi. Na ngalkapte ngal sungah kithatlum tu a, midangte tung pan na laakte theampo hong laaksak tu khi hi. Na palaite ii ngetnate kiza nawn ngawl tu hi,” ci hi.

Thuhil kikna 7:16

Topa na Pathian ii na khut sungah hong piak minam theampo mon vun, hesuak heak vun. A pathiante bia heak vun, banghang ziam cile thitheina piang tu nu hi.

Joshua 10:8

Topa in Joshua munah, “Amate kiita heak in. Keima in nang zawna hong pia zo khi hi. Amate khat zongh in nang hong nang zo ngawl tu hi,” ci hi.

Joshua 11:5

Hi kumpi teng in a ngalkap teng ngawmtua a, Israel te sim tu in hong kuan khawm tek in, Merom Lui ah ngiaphual saat uh hi.

Joshua 11:7

Tua ahikom Joshua le a mi theampo in a ngalte sia Merom Lui ah a muanmawk ngawl laitakin sim uh hi.

Joshua 11:9

Joshua in Topa thupiak bangin a siphu uhte a peang baisakin, a siphu ngalleang uhte halthapsak hi.

Joshua 3:5

Joshua in mipite tungah, “Noma le noma kithiansua vun, banghang ziam cile zing ciang Topa in note sungah nalamdang laknate vawt tu hi,” ci hi.

Thukhente 7:9

Tua zanin Topa in Gideon thupia a, “Tho in a ngiaphual sim in; tuasia zawna nang hong pia khi hi.

1 Samuel 11:9

Amate in Jabesh pan kamtai te munah, “Na mipuite munah son vun, zing ciang nisun ma in amate kisuatak tu hi.” Jabesh a mite in tua thupuak a nga ciangin lungdam leilam uh a,