Joshua 11:3 - Syin Chin Bible

³ Jordan ngun lang le lang a teang Canaan te tung le Amor te, Hit te, Periz te, mual tungah a teang Jebus te, Mizpah ngam Hermon Mual nuai a teang Hiv te munah zongh thu zasak hi.

Joshua 11:3 Iomraidhean Croise

Pianciilna 31:49

Laban zongh in, “Eite khat le khat ih kikhen hangin Topa in ei hong mitsuan tahen,” ci hi. Tua ahikom tua mun zongh Mizpah ci in min phuak hi.

2 Samuel 24:16

Topa ii vantunglalang in Jerusalem lalcipsak tu in a kipat ciangin Topa in mihingte daan a piak huvau a thin kheal kik a, amate a that vantunglalang munah, “Tawp in! Pha zo!” ci hi. Vantunglalang sia Jebus mi Araunah ii ancilna nai theng hi.

2 Samuel 24:7

Tua mun pan amate thangsang zuan a, kulh taw a ki uum Tyre khuapi, Hiv le Canaan te khuapi theampo, a khakbel in Judah ngam thangsang Beersheba ah pai uh hi.

1 Kumpite 15:22

Tua zawkciang Kumpipa Asa in Judah ngam bup ah khat zongh kikhe ngawlin, Baasha ii kulh vawtna a zak suang le thingte Ramah panin puasiat tu in thupia hi. Asa in Mizpah le Benjamin ngam ah Geba khuapi sia hi vanhte taw ngalnanna kulh in vawt hi.

1 Kumpite 9:20

Solomon in zawthawk thu taw a kisawl nasep seam tu in Israel mite ii a ngam a suan lai in a thalup mong Canaan mite ii suan le paalte zangh uh hi. Hite sungah Amor te, Hit te, Periz te, Hiv te le Jebus te kihel in, tuate ii suan le paalte sia tu ni dong sila ahi uh hi.

Psalm Late 133:3

Hermon Mualvum tungah daaitui Zion mualte tungah a kia sia taw kibang hi. Tuasia in tawpna a nei ngawl nuntakna a kici Topa ii thupha piak tu a kamciamna mun ahi hi.

Psalm Late 89:12

Saksang le thangsang na bitphua hi; Tabor Mual le Hermon Mualte in lungdam in nangma la hong sak hi.

Solomon ii La 4:8

Ka angkoai awng, Lebanon mual panin kei hong zui ta'n, Lebanon panin hong zui ta'n, Tawpite le pawlbeamte teenna, Amana Mualdawn, Senir Mualdawn le Hermon Mualdawn panin hong tuaksuk ta'n.

Jeremiah 40:10

Keima mama Mizpah ah ka teang tu a, Babylon te hi munah hong pai ciangin noma taangmi ka hi tu hi. Ahihang sapittui, thingnga le olive sathaute khawmin khol vun a, na laak uh khuate ah teang vun,” ci hi.

Jeremiah 40:6

Mizpah ah Gedaliah taw om tu in ka pai a, ngam sungah a taanglai mite sungah ka teang hi.

Jeremiah 41:14

amate sang kiheak in tai uh hi.

Jeremiah 41:3

Ishmael in Mizpah khua Gedaliah kungah a om Israel mite theampo le Babylon ngalkap tua munah a omte zongh thatlum hi.

Mi Simna 13:29

Thangsang ngam ah Amalek te teang a, Hit te, Jebus te, le Amor te mualtung ngam ah teang a; Canaan te ahile Mediterranean tuipi hui le Jordan ngundung ah teang uh hi,” ci in son uh hi.

Thuhil kikna 4:48

Tua ngam sia Arnon Ngun hui ah a om Aroer khua pan saksang Sirion Mual ahi Hermon mual dong kipee hi.

Thuhil kikna 7:1

“Topa na Pathian in na laak tu uh ngam ah hong paipui tu a, ama in tua ngam pan minam tam mama notkeak tu hi. Mainawt in na pai uh kawmin ama in note sang a lianzaw le a thahat zaw minam salite ahi: Hit te, Girgash te, Amor te, Canaan te, Periz te, Hiv te le Jebus te notkeak tu hi.

Joshua 11:17

A ngam sia thangsang Edom hui Halak Mual panin kithungsuk a, saksangah Baalgad, Lebanon leikuam sung Hermon Mual thangsang dong zai hi. Joshua sia hi ngam a kumpite taw khuangeipi ma kisim ahihang tuate la in amate thatlum siat hi.

Joshua 11:8

Topa in Israel te zawna pia hi; Israel te in ngalte sia saksang ah Misrephoth Maim le Sidon dong nisuana sang pan Mizpah kuam dong simin del uh hi. A ngalte khat zongh a nungta a om nawn ngawl dong kido tan uh hi.

Joshua 13:11

Gilead, Geshur le Maacah ngamte, Hermon Mual bup le, Bashan bup Salecah dong kihel hi.

Joshua 13:5

Gebal te ii ngam; nisuana ah Lebanon bup, Hermon Mual ii thangsang Baalgad pan Hamaath Mualciangh dong ahi hi.

Joshua 15:38

Dilean, Mizpah, Joktheel,

Joshua 15:63

Ahihang Judah mite in Jerusalem a teang Jebus te notkeak zo ngawl hi. Tualai ah Jebus te sia Judah mite taw teang lai uh hi.

Joshua 18:26

Mizpah, Chephirah, Mozah,

Joshua 3:10

Maisang ah na manaw uh ciang ama in Canaan te, Hit te, Hiv te, Periz te, Girgash te, Amor te le Jebus te notkeak takpi tu hi.

Thukhente 20:1

Israel mite theampo saksang ah Dan pan thang sangah Beersheba dong le, nisuana sang ah Gilead ngamte dongin tua ngalkona sia za in saang uh hi. Amate in Topa ii mai Mizpah ah pumkhat in hong kikhawm uh hi.

Thukhente 21:5

Amate in,” Topa mai Mizpah ah Israel te kikhoptua lai in Israel nam theampo pan a kihel ngawl pawl a om ziam? (Amate in Mizpah ah a pai ngawl peuma kithatlum tu hi, ci in ciliap huai kiciamna khat vawt hi.)

Thukhente 21:8

Mizpah ah a kikhopna sungah Israel namte sung pan hong kikhawm ngawl akua te pawl om ziam ci in a kat uh ciang, Gilead ngam Jabesh panin kuama hong kikhawm ngawl uh hi;

Thukhente 3:3

A ngamsung a taanglai teng sia Philistine te khuapi nga hi a, Canaan te, Sidon te a vekpi le Lebanon Mualte tung, Baal Hermon Mual pan Hamath Mualciangh dong a teang Hiv te ahi hi.

Thukhente 3:5

Tuabangin Israel mite sia Canaan te, Hit te, Amor te, Periz te, Hiv te le Jebus te kawmah teang uh hi.

1 Samuel 10:17

Samuel in Mizpah ah mipite biakkikhop khat sam a,