Joshua 11:23 - Syin Chin Bible

²³ Topa ii Moses a thu piaksa bangma in Joshua in ngam le lei bup la hi. Joshua in tua ngam sia Israel mite neisa tu in pia a, amate in nam sim khat tek khen in hawm hi. Tuabangin a mite sia ngal simna panin tawlnga uh hi.

Joshua 11:23 Iomraidhean Croise

Nehemiah 9:24

Amate in Canaan ngam zothal a; nangma in tualai a teang mite na zo hi. Canaan kumpite le a mite tungah, a uuk bang po a vawt natu in na mite vaangletna na pia hi.

Psalm Late 46:9

Ama in leitung theampo ah ngal kidonate thimsak hi; ama in thalkawngte thiaktan a, teite susia in, lumte haltham hi.

Pusuana 34:11

Tuni in kong piak thukhamte zui vun. Note maisang na manaw uh ciangin Amor te, Canaan te, Hit te, Periz te, Hiv te le Jebus te ka notkeak tu hi.

Ezekiel 45:8

Hi mun sia kumpipa ii nga tu Israel ngam leitang hi tu hi, tua ahikom ama in mite zawthawk vawt nawn ngawl tu a, ahihang a om lai ngam theampo sia Israel minamte neisa hisak tu hi.

Thuhil kikna 1:38

Ahihang nang hong hu khutdawn pa Nun ii tapa Joshua a thin khensatna a kho natu in hanthawn in. Ama in Canaan ngam a la tu in Israel te lampui tu hi,’ hong ci hi.

Thuhil kikna 25:19

Tua ahikom, Topa na Pathian in ngam hong pia in, na kiim ah a teang na ngalte kung pan ngalmuanna hong piak ciang Amalek te theampo thatlum siat vun, tua hile kuama in amate phawk nawn ngawl tu hi. Tuasia mangil heak vun!

Joshua 12:7

Joshua le Israel mite in Jordan nitumna ngam, Lebanon kuam sung Baalgad pan thangsang Edom hui Halak Mual dong a kumpipate theampo zo siat hi. Joshua in hi ngam le lei sia a minamte atu in hawmsak in a kip a kho neisa tu in pia hi.

Joshua 18:10

Joshua in amate atu laimee sawk in Topa dongh hi, a taanglai Israel namte khat sim tungah leitang khen khat tek pia hi.

Joshua 22:4

Tu in ama kamciam bangma in, Topa na Pathian in na Israel mipuite kilemna hong pia zo hi. Tua ahikom Topa naseampa Moses ii hong piak Jordan nisuana sangah noma atu na laak na inn na lo uh ah cia kik tavun.

Joshua 23:1

Khuangei mama zawkciang Topa in Israel te sia a kiim a paam ngal launa panin ngammuanna pia hi. Tua hun in Joshua sia huai mama zo hi,