Joshua 11:16 - Syin Chin Bible

¹⁶ Joshua in ngam le lei theampo — la hi, mualtung ngam le mualpeangte ii sak le thang, Goshen ngam theampo le a thangsang kongaw ngam teng le Jordan ngun kuam teng la hi.

Joshua 11:16 Iomraidhean Croise

Psalm Late 105:44

Ama in midangte ii leitangte amate tungah pia a, tuaciang a lo teng a tansak sia,

Psalm Late 78:55

A mite a mainaw uh ciang tua ngamah a teang mite ama in notkeak hi; tua leitang sia Israel minamte hawmsakin amate ii innte sia a mite pia hi.

Ezekiel 17:23

Israel mualsaangbel sia tungah ka suan tu hi. A baakte hong khangin a ci hong nei tu a, tuaciangin a mu nop huai mama cedar kung suak tu hi. Vacim namcin tua ii tungah teang tu a, a lim bealh tu uh hi.

Ezekiel 36:8

Ahihang, Israel ka mite awng, Israel mualte tungah nang atu in thingkung pote a tee boai in a nga nga kik tu hi. Hai ngawlin inn ah nong cia kik tu uh hi.

Thuhil kikna 1:7

Ngiabuk phelin kikhiin vun. Amor mualtung ngam le a kiimkot ngamkuamte theampo — Jordan Kuam, mualtung ngam le a lei niamnate, thangsang ngamkuam le Mediterranean tuipi vaal dongin pai tavun. Canaan ngam le Lebanon Mualte langkhat kalh in Euphrates Ngun lian dong pai tavun.

Joshua 10:40

Tua ngam le lei buppi sia Joshua in zothal hi. Mualtung ngam, nisuana sang mualpanghte le nitumna sang mualpeangte ii kumpite ahizong, thangsang mun kona ngam kumpite ahizong zo siat hi. Kuama khoaikhet nei ngawlin thatlum siat hi. Hisia sia Topa Israel te ii Pathian thupiak ahi hi.

Joshua 10:41

Joshua ii ngalsimna sia thangsang Kadesh Barnea pan tuipi hui Gaza, Goshen ngamkhen teng kihel in, saksang pan Gibeon dong ahi hi.

Joshua 11:15

Topa in a naseampa Moses tungah thupia in, Moses in Joshua tungah tua thupiaknate sonsawn a, Joshua in ni hi. Ama in Topa ii Moses thu a piak theampo vawt hi.

Joshua 11:2

saksang mualtung ngam kumpite, Galilee Tuili thangsang Jordan Kuam, mualpeangte le tuipi hui Dor nai a kumpite munah kam taw thu zasak hi.

Joshua 11:21

Hisia hun in Joshua pai a, Judah le Israel mualtung ngam theampo — Hebron, Debir, Anab le tua mualtung ngam theampo sungah a teang thatang lian mama Anakim a cite minam sia mongsak siat hi. Joshua in amate le a khuapi te a lalcip dipdeap dong susia hi.

Joshua 12:8

Hi ngamkhenna sungah mualtung ngam, nitumna sang mualpeangte, nisuana susuk le thangsang kongaw ngam teng kihel hi. Hi ngam le lei sia Hit te, Amor te, Canaan te, Periz te, Hiv te, Jebus te ii teenna hi ngei hi.

Joshua 9:1

Israel te ngalzawnate Jordan nitumna sang kumpi theampo — mualte, mualpeangte le Mediterranean Tuipi vaal zaangtam theampo saksang Lebanon dong kihe hi; hite sia Hit, Amor, Canaan, Periz, Hiv le Jebus kumpipa te uk sung ngamte ahi uh hi.