Joshua 11:14 - Syin Chin Bible

¹⁴ Israel mite in hi khuapite sung pan vanh manphate le ngannote theampo amate atu in la uh hi. Ahihang amate in mihing theampo thatlum uh a, khat zongh khoaikhe ngawl hi.

Joshua 11:14 Iomraidhean Croise

2 Khangtaanghthu 20:25

Jehoshaphat le a ngalkapte sia a ngalte vanh laksak tu in pai a, khui, neak le dawn, puansilhte le vanh manpha dangte mu uh hi. Amate in ni thum sung vanhte khawmtua napi tamleih ahikom a vekpi in la siat zo ngawl uh hi.

Mi Simna 31:9

Israel mite in Midian numeite le patangte manin, a khuite le a ngannote, a nei a lamh theampo sut a,

Thuhil kikna 20:14

Ahizong noma atu in numeite, patangte, ngannote, le khua sung a om nadang theampo la thei tu nu hi. Na ngalte neisa theampo zangh thei tu nu hi. Topa in note tungah hong pia zo hi.

Thuhil kikna 20:16

“Ahizong Topa na Pathian ii hong piak ngam sungah a om khuapite na laak uh ciang, mihing theampo thatlum siat vun.

Joshua 10:40

Tua ngam le lei buppi sia Joshua in zothal hi. Mualtung ngam, nisuana sang mualpanghte le nitumna sang mualpeangte ii kumpite ahizong, thangsang mun kona ngam kumpite ahizong zo siat hi. Kuama khoaikhet nei ngawlin thatlum siat hi. Hisia sia Topa Israel te ii Pathian thupiak ahi hi.

Joshua 11:11

Tua munah a om theampo thisak uh hi; kuama kihingkhoai ngawl a, a khuapi kihaltum hi.

Joshua 11:13

Ahihang Israel te in Joshua ii halthap Hazor khua simngawl leivumte tungah a kisa khuapite khat zongh hal ngawl hi.

Joshua 11:15

Topa in a naseampa Moses tungah thupia in, Moses in Joshua tungah tua thupiaknate sonsawn a, Joshua in ni hi. Ama in Topa ii Moses thu a piak theampo vawt hi.

Joshua 8:2

Jericho le a kumpipa tungah na vawt uh bangin Ai le a kumpipa tungah na vawt tu uh hi; ahihang tu sia hun ciang vanhte le ngannote noma neisa tu in na keam thei tu uh hi. A muanmawk ngawl het tu in khuapi sia a nungsang pan sim tu in kithoai vun.”

Joshua 8:27

Topa ii Joshua a sawl bangin Israel te in khuapi sung pan a mat vanhte le ngannote amate ii neisa tu in keam uh hi.