Joshua 10:8 - Syin Chin Bible

⁸ Topa in Joshua munah, “Amate kiita heak in. Keima in nang zawna hong pia zo khi hi. Amate khat zongh in nang hong nang zo ngawl tu hi,” ci hi.

Joshua 10:8 Iomraidhean Croise

1 Kumpite 20:13

Tua laitakin kamsaang khat Kumpipa Ahab kungah hong pai a, “Topa in, ‘Tua ngalkap hon lian sia kiita heak hen! Tuni in tuasia nangma in kong zosak tu hi, tuasia ciang keima Topa ka hi hunlam nong he tu hi,’ ” ci in son hi.

Romete 8:31

Hi teng zawkciangin ih son tu, bang om lai tu ziam? Pathian ei sangah hong pang le akua in eite hong langpan thei tu ziam?

Thuhil kikna 3:2

Ahizong Topa in kei tungah, ‘Ama kiita heak in. Ama, a mi teng le a ngam theampo nang kong pia tu hi. Heshbon a uk Amor Kumpipa Sihon tungah na vawt bangin, ama tungah vawt in,’ hong ci hi.

Thuhil kikna 7:24

Ama in a kumpite na khut sungah hong koi tu hi. Na thatlum tu a, amate kimangil tu hi. Kuama in note hong khaktan zo ngawl tu hi; a vekpi na lalcipsak siat tu uh hi.

Joshua 10:25

Tuaciang Joshua in a ngalkap bute munah, “Kiita heak vun a, thinkiam heak vun. Na thin khosak vun a kimuang vun, banghang ziam cile hisia in na ngalte theampo tungah Topa sep tu sia ahi hi,” ci hi.

Joshua 10:9

Zankhuateakin Joshua le a ngalkaphonpi sia Gilgal pan Gibeon khua sang zuanin kuan uh a, Amor te heakkhol ngawlin sim uh hi.

Joshua 11:6

Topa in Joshua munah, “Amate kiita heak in. Zing ciang tubang hunin Israel atu in amate thatlum siat tu khi hi. Noma in a siphute a peang baisak in, a siphu ngalleangte haltham tu nu hi,” ci hi.

Joshua 8:1

Topa in Joshua munah, “Ngalkapte a vekpi in keng in a, Ai khua ah va pai to tavun. Lau heak vun a thinkiam heak vun. Ai kumpipa kong zosak tu hi; a mite, a khuapi le a ngam a lei nang aa hi tu hi.

Thukhente 6:16

Topa in, “Suatak thei tu ni hi, banghang ziam cile keima in hong hu tu khi hi. Midian te sia mihing khat vawt tu bang bekin ol takin na sucip tu hi,” ci in zo hi.

Thukhente 7:9

Tua zanin Topa in Gideon thupia a, “Tho in a ngiaphual sim in; tuasia zawna nang hong pia khi hi.

1 Samuel 17:47

tuaciang hi sungah a om mi sim in, a mite a hut natu in Topa in namsau le teite kisamh ngawl hi ci in musak tu hi. Ama sia ngalphual ah a zo pa hi a, no teng sia ko khutnuai ah hong koi tu hi,” ci in zo hi.