Joshua 10:6 - Syin Chin Bible

⁶ Gibeon mite in Gilgal ngiaphual ah Joshua atu kam thaak a: “Topa awng, ko hong nusia heak in! A manlang in hong pai tavun a hong hu tavun! Hong hun tavun! Mualtung ngam a teang Amor kumpite theampo in a ngalkap teng ngawmtua in ko hong sim uh hi!” cisak hi.

Joshua 10:6 Iomraidhean Croise

2 Kumpite 4:24

Tuaciang ama in laa kungh thuasakin, naseampa tung ah, “Laa sia a manlang thei za in paisak in, keima kong sawl ngawl po haisak heak in,” ci in thupia hi.

Psalm Late 125:2

Mualpite in Jerusalem kiim uum in a om bangma Topa in a mite kiim ah tu le a tawntungin om hi.

Isaiah 33:22

Tua teambawte tungah a kizangh khaute theampo a luithawthong hi; Teambaw puankhakte kiphal thei ngawl hi! Ih ngalte ii ngalkap honte nei na manpha theampo ih matsak tu a, vanh tam mama tu ahikom peangbaite ngawngawn zongin hawmtel khat tek nga tu uh hi. Topa mama sia ih kumpi hi tu a; ama in eite hong ukin hong sungsia tu hi.

Mi Simna 13:29

Thangsang ngam ah Amalek te teang a, Hit te, Jebus te, le Amor te mualtung ngam ah teang a; Canaan te ahile Mediterranean tuipi hui le Jordan ngundung ah teang uh hi,” ci in son uh hi.

Luke 1:39

Tua zawk hiat ciangin Mary kithoai cingtengin Judea ngam mualtung khua khat ah manlang takin pai hi.

Thuhil kikna 1:15

Tua ahiciang na nam uh pan na tealsa a pil a ciim le a hawm a son ngei lampuite in kong uksak hi. Pawlkhat in mihing tulkhat, pawlkhat in zakhat, pawlkhat in sawmnga le pawlkhat in sawm uk tu in vaipuak ka pia hi. Minamte sung pan a dang lampuite zongh panmun ka pia hi.

Joshua 10:5

Hi Amor kumpi nga ahi Jerusalem, Hebron, Jarmuth, Lachish le Eglon te kumpipa te ii ngalkap teng kingawmtua a, Gibeon khua kiim uum in sim uh hi.

Joshua 10:7

Tua ahikom Joshua le a ngalkaphonpi bup, ngalkap phabel te kihel a, Gilgal panin kuan uh hi.

Joshua 21:11

Amate tungah Arba khuapi (Arba sia Anak ii pa hi), tu in Hebron kici, Judah mualtung ngam a om khuapi le a kiim nganthana leitang taw kop in kipia hi.

Joshua 5:10

Jericho hui zaangtam, Gilgal ah Israel te ngiaphual a saat laitakin, tua tha a ni sawm le ni li ni nitak sangin Paisan Poai khaam uh hi.

Joshua 9:15

Joshua in tua Gibeon mite taw kipawl thei natu kilemna kamciam kho khat vawt in, amate khoaikhe hi. Israel taangpi lampuite in tua kilemna thuciam kho sia a kholet natu kamciam pia uh hi.

Joshua 9:6

Tua zawkciang amate in Gilgal ngiaphual ah pai in Joshua le Israel mite mun ah, “Ngam khuala na pan hong pai khu hi. Ko taw kilemna kamciam kho khat nong vawt tu uh dei khu hi,” ci hi.

Joshua 9:8

Amate in Joshua mun ah, “Ko sia nangma ii nong sawl pawpo seam tu khu hi,” ci hi. Joshua in, “No a kuate nu ziam? Koisung pan hong pai nu ziam?” ci in dongh hi.