Joshua 10:4 - Syin Chin Bible

⁴ “Hong pai tavun, Gibeon hong sim pui tavun, banghang ziam cile amate in Joshua le Israel te taw kilemna vawt hi,” ci hi.

Joshua 10:4 Iomraidhean Croise

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

John 15:19

Note leitung neisa hi le uhte leitung in ama aituam bangin hong it tu hi. Ahihang hi leitung panin note kong teal zo a, note leitung neisa na hi nawn bua uh hi; tua hu in leitung in note hong ensan hi

Sawltakte 21:28

“Israel pasalte awng! Hong hu tavun! Hisia pa sia mun theampo ah pai in, Israel te, Moses Thukham le hi Biakinnpi langpan in, hilcianna a neipa hi. Tu zonghin, ama in Gentile te pawlkhat Biakinnpi sungah paipui in, hi a thiangtho mun sia ninsak hi!” ci in au uh hi.

2 Timothy 3:12

A kuama po Jesus Christ taw kipawlin, Pathian dei bang nuntakna a nungta nuamte sia kivawtsia tu hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

Joshua 10:1

Jerusalem kumpipa Adonizedek in Joshua ii Ai khua la zo a, Jericho khua le a kumpipa a vawt bangma in, a zaancip sakna, a kumpipa a thalupna thu teng za hi. Ama in Gibeon mite sia Israel mite taw kilemna vawt a, amate taw teang khawm hi ci in za si hi.

Joshua 10:5

Hi Amor kumpi nga ahi Jerusalem, Hebron, Jarmuth, Lachish le Eglon te kumpipa te ii ngalkap teng kingawmtua a, Gibeon khua kiim uum in sim uh hi.

Joshua 9:15

Joshua in tua Gibeon mite taw kipawl thei natu kilemna kamciam kho khat vawt in, amate khoaikhe hi. Israel taangpi lampuite in tua kilemna thuciam kho sia a kholet natu kamciam pia uh hi.

1 Peter 4:4

Tu in Pathian he ngawlte in amate sansak po maitat, loklenna sungah na kihel nop nawn ngawl uh ciang, lamdang sa in note hong selno uh hi.

Thupualaakna 16:14

Amate sia nalamdang laknate a vawt doaite thaa ahi uh hi. Vaanglianbelpa Pathian ii ni thupi Ni in, ngal kidona sungah a khawmtua tu in leitung kumpipate theampo kungah hi thaa thumte pai uh hi.