Joshua 10:36 - Syin Chin Bible

³⁶ Hisia zawkciang Joshua le a ngalkaphonpi Eglon panin mual tungah kaato in Hebron sim uh a,

Joshua 10:36 Iomraidhean Croise

Pianciilna 13:18

Tua ahikom Abram in a ngiaphual khiinin, Hebron ngamsung Mamre thingkung thiangthote kungah teang a, tua munah Topa atu in biaknatau khat sa hi.

1 Khangtaanghthu 12:23

Topa kamciamsa bangin Hebron ah David a om lai in, Saul taangin ama kumpi a sua natu in a hu, ngalsim a sinsa ngalkap tam mama in ama ii ngalkaphonpi sia pawm uh hi. A mi phaza a nuai a bang hi: Judah: ngalvanh kicing taw lum le tei toai pasal 6,800; Simeon: ngalkap thiam sa pasal 7,100; Levi: pasal 4,600; Aaron suan Jehoiada ii nungzuite pasal 3,700; Ngalsim thei khangno khat ahi Zadok ii mealheakte: lampui pasal 22; Benjamin (Saul ii nam): pasal 3,000 (Benjamin mite a tamzaw sia Saul tungah thumaan top uh hi); Ephraim: amate bee le phungte sungah a minthang pasal 20,800; Nitumna sang Manasseh panin: David kumpi a suaksak tu in, a kiteal pasal 18,000: Issachar: amate ukna nuai ah om mite taw a kingawm lampui 200, (hi lampuite in Israel te ii a vawt tu sia le a vawt tu a phabel hun a he uh hi); Zebulun: ngalsim tu a kinging, ngalhiam theampo a zangh thei, a thumaan le a muanhuai pasal 50,000; Naphtali: lampuite 1,000 le lum le tei toai pasal 37,000; Dan: ngalsim a sinsa pasal 28,600; Asher: ngalsim tu a kithoaisa pasal 40,000; Jordan ngun ii nisuana sangah a om minamte — Reuben, Gad le nisuana sang Manasseh te: ngalhiam a nanam a zakna a kisin saksa pasal 120,000 te ahi hi.

2 Khangtaanghthu 11:10

Zorah, Aijalon le Hebron te ahi hi.

Mi Simna 13:22

Amate thangsang ngam tengah pai masa a, Anakim a kici mihing thatang lian nam ii suan le paal ahi, Ahiman, Sheshai le Talmai bee le phung teng teenna Hebron theng uh hi. (Hebron sia Egypt ngam Zoan khua saat ma kum 7 lai in kisaat hi.)

Joshua 10:3

Tua ahikom Adonizedek in Hebron kumpipa Hoham, Jarmuth kumpipa Piram, Lachish kumpipa Japhia, Eglon kumpipa Debir te tungah thu puak a:

Joshua 10:35

Tua ni ma in a khuapi la in, tuasung ah a om theampo Lachish ah a vawt bang keak ma in thatlum uh hi,

Joshua 10:37

tua khua la uh hi. A kumpipa le a dang khuapi sungah a om theampo ahi zong khua nai nate sungah a om theampo ahi zong thatlum uh hi. Joshua in tua khuapi sia Eglon a vawt lai bangma in zaancipsak hi. Kuama a hingkhoai bua hi.

Joshua 10:5

Hi Amor kumpi nga ahi Jerusalem, Hebron, Jarmuth, Lachish le Eglon te kumpipa te ii ngalkap teng kingawmtua a, Gibeon khua kiim uum in sim uh hi.

Joshua 15:13

Topa in Joshua a thupiak bangma in Judah nam Jephunneh tapa Caleb tungah Judah ngamkhen khat kipia hi. Ama in Anak ii pa Arba ii khuapi Hebron nga hi.

Joshua 15:54

Humtah, Hebron le Zior om a: a kiim a om khuate taw khuapi kua ahi hi.

Joshua 21:13

Hebron (bukna khuapite sung pan khat) taw kikop in a nuai a khuapi teng sia thiampi Aaron suante kipia hi: Libnah,

Thukhente 1:10

Amate in, Kiriath Arba a kici ngei Hebron khuapi kiim a teang Canaan mite kuan in sim uh hi. Tua munah amate in Sheshai, Ahiman le Talmai bee le phungte zo uh hi.

Thukhente 1:20

Moses ii thupiak bangin, Hebron sia Caleb kipia a, ama in khuapi sung pan Anak suan bee le phung thum teng notkeak hi.