Joshua 10:3 - Syin Chin Bible

³ Tua ahikom Adonizedek in Hebron kumpipa Hoham, Jarmuth kumpipa Piram, Lachish kumpipa Japhia, Eglon kumpipa Debir te tungah thu puak a:

Joshua 10:3 Iomraidhean Croise

Pianciilna 23:2

Canaan ngam Hebron ah ama thi a, Abraham khuangai hi.

Pianciilna 37:14

A pa in ama tungah, “Va pai ta'n a, na suapuite a ngammuang na ziam, a nganhonte a dam na ziam va en ta'n; tua zawkciang hong cia kikin hong son ta'n,” ci hi. Tua ahikom a pa in Hebron Kuam pan pai tu in ama sawl hi. Joseph sia Shechem theng a,

2 Samuel 2:11

ama in Hebron panin Judah te kum sali le kum lang sung uk hi.

2 Kumpite 18:14

Hezekiah in Lachish a om Sennacherib tungah, “Keima in seam khial zo khi hi; nong hesuakna in hong sim nawn heak in, nong nget pawpo kong pia tu hi,” ci in kamthaak hi. Kumpilianpa in zo kik a, Hezekiah in ngunn kilogramme 10,000 le khamh kilogramme tulkhat ama a puak tu in sawl hi.

2 Kumpite 18:17

Assyria kumpilianpa in ngalkaphon lian khat Jerusalem ah Hezekiah sim tu in paisak hi; tua ngalkaphonpi sia ama ii uliante a za lianbel thum teng in uksak hi. Amate Jerusalem a thet uh ciangin, amate in tuili tungnung sia pan tui hong luanna hawkluam sia ii hui ah a om puantak naseamte ii omna lampi sia lua uh hi.

2 Khangtaanghthu 11:9

Adoraim, Lachish, Azekah,

Jeremiah 34:7

tua hun sia Babylon kumpipa ii ngalkaphonpi in tua khuapi a sim laitak ahi hi. Tua ngalkaphonpi in Judah ngam sungah a taanglai kulh taw a ki uum khuapi dang ahi Lachish le Azekiah zongh sim uh hi.

Micah 1:13

No, Lachish ah a teangte awng, na siphute ngalleangte tungah khit vun. Note in Israel mawna khialna na zui uh a, tuabangin Jerusalem khialsak nu hi.

Mi Simna 13:22

Amate thangsang ngam tengah pai masa a, Anakim a kici mihing thatang lian nam ii suan le paal ahi, Ahiman, Sheshai le Talmai bee le phung teng teenna Hebron theng uh hi. (Hebron sia Egypt ngam Zoan khua saat ma kum 7 lai in kisaat hi.)

Joshua 10:1

Jerusalem kumpipa Adonizedek in Joshua ii Ai khua la zo a, Jericho khua le a kumpipa a vawt bangma in, a zaancip sakna, a kumpipa a thalupna thu teng za hi. Ama in Gibeon mite sia Israel mite taw kilemna vawt a, amate taw teang khawm hi ci in za si hi.

Joshua 10:23

Tua ahikom suanghawng sia hong keakin, Jerusalem, Hebron, Jarmuth, Lachish le Eglon kumpipa nga teng pusua a,

Joshua 10:34

A kizomin Joshua le a ngalkaphonpi sia Lachish panin Eglon ah pai suak a, tua khua kiim uum in sim uh hi.

Joshua 10:5

Hi Amor kumpi nga ahi Jerusalem, Hebron, Jarmuth, Lachish le Eglon te kumpipa te ii ngalkap teng kingawmtua a, Gibeon khua kiim uum in sim uh hi.

Joshua 14:15

A masa in Hebron sia Arba khuapi kici hi (Arba sia Anakim te sung pan a lianbel ahi hi). Ngam sungah tu in kilemna om hi.

Joshua 15:54

Humtah, Hebron le Zior om a: a kiim a om khuate taw khuapi kua ahi hi.

Joshua 15:63

Ahihang Judah mite in Jerusalem a teang Jebus te notkeak zo ngawl hi. Tualai ah Jebus te sia Judah mite taw teang lai uh hi.

Joshua 18:28

Zela, Haeleph, Jebus (ahibuale Jerusalem) Gibeah le Kiriath Jearim hi a: khuapi sawm le li le a kiim a om khuate taw ahi hi. Hi ngam sia Benjamin nam innkuante ii nga ngam ahi hi.