Joshua 10:25 - Syin Chin Bible

²⁵ Tuaciang Joshua in a ngalkap bute munah, “Kiita heak vun a, thinkiam heak vun. Na thin khosak vun a kimuang vun, banghang ziam cile hisia in na ngalte theampo tungah Topa sep tu sia ahi hi,” ci hi.

Joshua 10:25 Iomraidhean Croise

Psalm Late 63:9

Kei hong thatlum nuamte mithi khua zuansuk tu uh hi.

Psalm Late 77:11

Topa awng, na nasepna liante ka phawk tu hi; hun bosa sungah a lamdang na sepnate ka phawk kik tu hi.

Romete 8:37

Hong itpa tungtawnin eite in hi thute theampo sungah zawna kicing ih nga hi!

2 Corinth te 1:10

Tuabang a kiitakhuai thithei natu panin, ama in hong ngum zo a, hong ngum lai tu hi; mai sang zongh ah ama in hong ngum kik lai tu hi, ci in lametna ama tungah ka nei zo uh hi,

Ephesus te 6:10

A khakbel in, Topa taw kikopna pan le ama ii vaangletna lianpi taw na thahat tavun.

Thuhil kikna 7:19

Na mittang taw na mu a kiitakhuai natnate, nalamdang lakna te, a lamdangte le Topa na Pathian ii no hong suataksakna, a vaangletna le a thahatna phawk vun. Egypt te a thalup bangma in ama in tu a na kiitak uh hi mihingte theampo mon tu hi.

Joshua 1:6

Na thin khosak in a kimuang in, banghang ziam cile a taanghpupite tungah ka kamciamsa hi ngam le lei a laak uh ciang hi mite ii lampui pa na hi tu hi.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Joshua 10:8

Topa in Joshua munah, “Amate kiita heak in. Keima in nang zawna hong pia zo khi hi. Amate khat zongh in nang hong nang zo ngawl tu hi,” ci hi.

1 Samuel 17:37

Topa in tawpi le vompuite panin hong hut sa khi hi; ama in hi Philistine pa khut sung pan hong hun tu hi,” ci hi. Saul in, “Pha hi, va pai ta'n a, Topa nang taw hong omkhawm tahen,” ci hi.