Joshua 1:9 - Syin Chin Bible

⁹ Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Joshua 1:9 Iomraidhean Croise

Pianciilna 28:15

Ciamtee ta'n, na paina po ah nang taw om in, kong dal tu a, hi leitang ah kong thet pui kik tu hi. Kong kamciamsa teng ka vawt siat mateng in, nang kong nusia buatu hi,” ci hi.

Pianciilna 39:2

Topa in Joseph panpui a, nasep zosak hi. Ama sia Egypt mi a topa inn ah teang a,

Pianciilna 39:3

Topa in Joseph panpui ahikom a nasepna theampo ah a zawsakna thu a topa in mu hi.

2 Samuel 13:28

tuaciang a naseamte thupia a: “Amnon ii zu a kham mama hun hong he tavun a, thu kong piak ciangin ama that vun. Lau heak vun. Keima in vaipuak la khi hi. Hang vun a, haisaang heak vun,” ci hi.

1 Khangtaanghthu 28:20

David kumpipa in a tapa Solomon tungah, “Kimuang in na thin takkha in. Nasep kipan in a, bangma in khaktansak heak in. A na ka sep Topa Pathian sia nang taw hong omkhawm tu hi. Ama in nang hong nusia ngawl tu a, ama Biakinnpi nasep teng na man dong nang taw hong omkhawm tu hi.

2 Khangtaanghthu 15:7

Ahizong note tha hat vun a thinkiam peuma heak vun. Na nasepna thaman hong kipia tu hi,” ci in au hi.

Psalm Late 46:7

Topa, Vaanglianbelpa in ei taw omkhawm hi; Jacob ii Pathian sia ih bukna ahi hi.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 43:1

Israel awng, nang hong bitphua Topa in, “Lau heak in — kong ngum tu hi. Na min taw kong sam zo hi — nang sia Keima mi na hi hi.

Isaiah 43:5

Lau heakin — nangma hong ompui khi hi! “Ni suana a khualana pan le nitumna sang a khuala belna panin, na mite inn ah kong ciapui tu hi.

Isaiah 8:12

“Hi mihingte vaihawmnate pawlpui heak in a, amate kiitakte kiita heak in.

Daniel 10:19

Ama in, “Pathian in nang hong it hi, tua ahikom bangma in na thinngimsak heak in a, lausak heak in,” hong ci hi. Hi teng a ci zawkciang ka tha hatzaw seseam ka sa a, “Topa awng nong son tu po hong son ta'n. Ka ci hong damsak zaw ni hi,” ka ci hi.

Haggai 2:4

Ahizong tu in note khat zongh thinkiam heak vun. Na seam vun banghang ziam cile no taw keima kong omkhawm hi.

Haggai 2:5

Egypt ngam pan nong pusua uh lai in a tawntung note taw kong omkhawm tu hi ci in kamciam kong pia hi. Tu zonghin note taw kong omkhawm nginge lai hi, tua ahikom lau heak vun.

Sawltakte 4:19

Ahihang Peter le John in zo kik a, “Pathian mai ah — note thu kong nit tu le, Pathian thu ka nit tu uh, koisia maan zaw ziam, noma tek in khensat tavun.

Thuhil kikna 20:1

“Na ngalte sim tu in na kuan uh ciang, ngalleangte, siphute le ngalkaphonpi khat sia note neiza sangin a tamzaw in na mu uh ciang tuate kiita heak vun. Egypt pan hong suatak Topa na Pathian sia note taw hong omkhawm tu hi.

Thuhil kikna 31:23

Tua zawkciang Topa in Nun tapa Joshua a paupuina sungah, “Kimuang in a, na thin khosak in. Ka khapsa ngam sungah Israel mite lam na pui tu a, nangma taw kong omkhawm tu hi,” ci hi.

Thuhil kikna 31:28

Hi thute amate tungah ka son thei natu in na nam lampuite le uliante a vekpi in ka mai ah khawmtua vun; Amate langkhat ah ka tetti tu in vantung le leitung ka ko tu hi.

Joshua 1:10

Tua zawkciang Joshua in lampuite ngiaphual sungah

Joshua 1:17

Moses ii thu ka nit uh bangma in na thu hong ni tu khu hi, Moses a ompui bangma in Topa na Pathian sia nang taw hong omkhawm tahen!

Joshua 1:18

Na thuneina hong thusim ngawlte le na thupiakna khat pawpo hong ni ngawlte in thina thuak tu hi. Na thin khosak in a kimuang in,” ci in zo kik uh hi.

Joshua 10:25

Tuaciang Joshua in a ngalkap bute munah, “Kiita heak vun a, thinkiam heak vun. Na thin khosak vun a kimuang vun, banghang ziam cile hisia in na ngalte theampo tungah Topa sep tu sia ahi hi,” ci hi.

Joshua 10:8

Topa in Joshua munah, “Amate kiita heak in. Keima in nang zawna hong pia zo khi hi. Amate khat zongh in nang hong nang zo ngawl tu hi,” ci hi.

Joshua 3:7

Topa in Joshua munah, “Tu ni a ka sep tu sia nangma sia mihing thupi mama khat in Israel theampo ii hong zatak vawt tu a kipatna hi tu a, Moses ka ompui bangin nang zongh kong ompui hunlam amate in hong tel tu uh hi.

Joshua 6:27

Tuabangin Topa sia Joshua taw omkhawm a, ama ii minthanna sia ngam bup ah kizel hi.

Joshua 8:1

Topa in Joshua munah, “Ngalkapte a vekpi in keng in a, Ai khua ah va pai to tavun. Lau heak vun a thinkiam heak vun. Ai kumpipa kong zosak tu hi; a mite, a khuapi le a ngam a lei nang aa hi tu hi.

Thukhente 6:14

Tuaciang Topa in ama thupia a, “Na thahatna theampo taw kuan in a, Israel te Midian te khut sung pan suatakin. Keima tatak ma in nang kong paisak hi,” ci hi.

1 Samuel 10:7

Hite hong pian ciangin Pathian ii na vawt tu a hong lampui pawpo sia vawt in.