Joshua 1:5 - Syin Chin Bible

⁵ Joshua awng, na nuntak lai teng nang sia kuama in hong zo zo ngawl tu hi. Moses ka ompui bangma in nang kong ompui tu hi. Nang taw a tawntungin kong omkhawm tu hi; nang kong nusia buatu hi.

Joshua 1:5 Iomraidhean Croise

Pianciilna 39:2

Topa in Joseph panpui a, nasep zosak hi. Ama sia Egypt mi a topa inn ah teang a,

1 Kumpite 1:37

Topa in nang kumpipa hong ompui bangin Solomon taw zong hong omkhawm tahen, tuaciang ama ii kumpi maanna zongh nang sangin mainawt zaw lai tahen,” ci in zo hi.

1 Kumpite 11:38

ka thu a cing takin nong ni a, ka thukhamte taw nungta in, ka thupiak sia David ii hong nit bangin nong ni le nang taw kong omkhawm tawntung tu hi. Israel kumpipa kong suaksak tu a na suan le na paalte in nang zawkciang, David a tu ka vawt bangma in, ka uksak tu hi.

1 Kumpite 6:13

Tu a na sak hi Biakinnpi sung, Israel ka mite sungah kong teang tu a, tuaciangin amate ka nusia ngei buatu hi,” ci hi.

1 Kumpite 8:57

Topa ih Pathian in ih taanghpupite taw a omkhop bangin ei taw hong omkhawm tahen; hong nusia ngei heak hen a, hong taisan heak hen;

1 Khangtaanghthu 28:20

David kumpipa in a tapa Solomon tungah, “Kimuang in na thin takkha in. Nasep kipan in a, bangma in khaktansak heak in. A na ka sep Topa Pathian sia nang taw hong omkhawm tu hi. Ama in nang hong nusia ngawl tu a, ama Biakinnpi nasep teng na man dong nang taw hong omkhawm tu hi.

Psalm Late 46:11

Vaanglianbelpa Topa in ei taw hong omkhawm hi. Jacob ii Pathian sia ih bukna ahi hi.

Pusuana 3:12

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Isaiah 42:16

“Mittaw ka mite sia amate tot ngeingawl lampite ah lam ka pui tu hi. Amate khuazing sia khuavak suaksakin a hamna mun sia amate mai ah ka nealsak tu hi. Hite sia ka kamciamte hi a, peal ngawlin ka taangtungsak tu hi.

Jeremiah 1:8

Amate kiita heak in, banghang ziam cile keima in nangma hong dal tu in kong ompui tu hi, Topa, keima in kong son zo hi!” hong ci hi.

Daniel 11:16

A nalh tu om nawn ngawlin Syria ngalkap pa in a uuk bang pawpo in amate vawt tu hi. Ama in Kamciamsa Ngam sungah ding tu a, tua ngam sia a khutnuai ah koi tu hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Romete 8:31

Hi teng zawkciangin ih son tu, bang om lai tu ziam? Pathian ei sangah hong pang le akua in eite hong langpan thei tu ziam?

Romete 8:37

Hong itpa tungtawnin eite in hi thute theampo sungah zawna kicing ih nga hi!

Thuhil kikna 20:1

“Na ngalte sim tu in na kuan uh ciang, ngalleangte, siphute le ngalkaphonpi khat sia note neiza sangin a tamzaw in na mu uh ciang tuate kiita heak vun. Egypt pan hong suatak Topa na Pathian sia note taw hong omkhawm tu hi.

Thuhil kikna 20:4

Topa na Pathian in note hong tonpui tu a, zawna hong pia tu hi,’ ci tu hi.

Thuhil kikna 31:23

Tua zawkciang Topa in Nun tapa Joshua a paupuina sungah, “Kimuang in a, na thin khosak in. Ka khapsa ngam sungah Israel mite lam na pui tu a, nangma taw kong omkhawm tu hi,” ci hi.

Thuhil kikna 4:31

Ama in hong hesuak thei Pathian ahi hi. Note hong nusia ngawl tu a, hong mon ngawl tu a, na taanghpupite taw a vawt thuciamna mangil ngawl tu hi.

Thuhil kikna 7:24

Ama in a kumpite na khut sungah hong koi tu hi. Na thatlum tu a, amate kimangil tu hi. Kuama in note hong khaktan zo ngawl tu hi; a vekpi na lalcipsak siat tu uh hi.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

Hebrew te 13:5

Na nuntakna uh sia sum le vanh manpha deina taw na kipealsak vun a, tuaciangin na nei uh sia taw na lungkim vun. Banghang ziam cile Pathian in, “Bangma hunin kong taisan ngei buatu a, kong nusia ngei buatu hi,” ci hi.

Joshua 1:17

Moses ii thu ka nit uh bangma in na thu hong ni tu khu hi, Moses a ompui bangma in Topa na Pathian sia nang taw hong omkhawm tahen!

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Joshua 10:8

Topa in Joshua munah, “Amate kiita heak in. Keima in nang zawna hong pia zo khi hi. Amate khat zongh in nang hong nang zo ngawl tu hi,” ci hi.

Joshua 21:44

Topa in a taanghpupite tungah kamciam a piaksa bangma in, ngamsung bup ah kilemna pia hi. A ngalte theampo sung pan khat zongh in amate nalh zo ngawl hi, banghang ziam cile Topa in a ngalte theampo zaw zawkna Israel te pia hi.

Joshua 3:7

Topa in Joshua munah, “Tu ni a ka sep tu sia nangma sia mihing thupi mama khat in Israel theampo ii hong zatak vawt tu a kipatna hi tu a, Moses ka ompui bangin nang zongh kong ompui hunlam amate in hong tel tu uh hi.

Joshua 6:27

Tuabangin Topa sia Joshua taw omkhawm a, ama ii minthanna sia ngam bup ah kizel hi.

Thukhente 2:18

Israel te tungah Topa in lampui khat a piak simin, tua lampui pa ii nuntak lai teng Topa in ama hu a, mite sia ngalte khut sung pan hung hi. Nenniamna le ngim thuakna taw a tau hu in Topa in amate hesuak hi.

Thukhente 6:16

Topa in, “Suatak thei tu ni hi, banghang ziam cile keima in hong hu tu khi hi. Midian te sia mihing khat vawt tu bang bekin ol takin na sucip tu hi,” ci in zo hi.

1 Samuel 10:7

Hite hong pian ciangin Pathian ii na vawt tu a hong lampui pawpo sia vawt in.