Joshua 1:4 - Syin Chin Bible

⁴ Na ngamngi te sia thangsang sennealngam panin saksang Lebanon Mualpite dong kithung to tu hi; nisuana sang Ngunpi lian Euphrates pan Hit te ngam kaantan in, nitumna sang Mediterranean Tuipi dong hi tu hi.

Joshua 1:4 Iomraidhean Croise

1 Kumpite 10:29

tuaciang Egypt pan ngamdang a puak tu siphu ngalleangte saisak uh hi. Amate in Hit mite le Syria kumpipate atu, siphu le siphu ngalleangte vaihawmsak in, siphu ngalleang khat ciang ngunntang 600, siphu khat ngunntang 150 taw zuak uh hi.

1 Kumpite 4:21

Solomon ii kumpi ngam sia Euphrates ngun pan Philistia le Egypt te ngamngi dong ngam theampo kihel hi. Amate in shia pia in, ama nuntak sung tawntung a khutnuai ah om uh hi.

1 Khangtaanghthu 18:3

Tua zawkciang David in Syria ngamsung Zobah ngam ukpa Hadadezer kumpipa sia Hamath ngam nai na ah sim hi. Banghang ziam cile ama in Eupharates ngunnaak sangah a om ngam sia uk tu hanciam hi.

1 Khangtaanghthu 5:9

Amate in Gilead ngam ah nganno honpite nei ahikom Euphrates ngundung suk theampo, nisuana sang sennealngam dongin sungsuam uh hi.

Ezra 4:20

A thahat kumpite maang in Euphrates nitumna sang theampo uk in shia le phiangshia khon uh hi.

Pusuana 23:31

Na ngamngi uh kong vawtsak tu a, Aqaba Tuidok pan Mediterranean Tuipi dong le sennealngam pan Eupharates Ngun dong hi tu hi. Tua ngam ah a teangte tungah vaang neina kong pia tu a, maisang na manaw uh ciang na notkeak tu uh hi.

Thuhil kikna 1:7

Ngiabuk phelin kikhiin vun. Amor mualtung ngam le a kiimkot ngamkuamte theampo — Jordan Kuam, mualtung ngam le a lei niamnate, thangsang ngamkuam le Mediterranean tuipi vaal dongin pai tavun. Canaan ngam le Lebanon Mualte langkhat kalh in Euphrates Ngun lian dong pai tavun.

Thuhil kikna 11:24

Na sina lei theampo note neisa hi tu hi. Na ngam zaina uh sia thangsang sennealngam pan saksang Lebanon mual dong, nisuana sang Eupharates ngun dong, nitumna sang Mediterranean tuipi dong hi tu hi.

Thuhil kikna 3:25

Topa awng, Jordan Ngun hong kaantansak ta'n a, a langkhat lei phana, mualtung ngamhoi le Lebanon Mualte hong musak tan’, ka ci hi.

Thupualaakna 9:14

A awnging in vantunglalang a lukna sia munah, “Eupharates ngun ah a kiheencip vantunglalang li teng tha vun,” ci hi.