Joshua 1:2 - Syin Chin Bible

² Ama in, “Ka naseampa Moses thi zo hi. Tu in kithoai in, nang le Israel mite theampo awng, amate tungah ka piaksa ngam ah a tum tu in Jordan ngun kaantan vun.

Joshua 1:2 Iomraidhean Croise

Pianciilna 17:8

Tu in ngamdangmi khat bangin na omna hi leitang sia nangma le na suan na paalte tungah kong pia tu hi. Canaan ngam bup sia na suan na paalte in a tawntungin lua tu a, keima in amate ii Pathian ka hi tu hi,” ci hi.

Nehemiah 9:23

Van ah aksite za in amate ta tam mama na pia a, a taanghpupite tungah piak tu in na kamciamsa ngam le lei sia na zothalsak a, tuaciang tua ngam ah na teangsak hi.

Job 1:8

Topa in, “Ka naseampa Job na phawk tha ziam? Leitung ah ama bangin a thumaan le a pha kuama om ngawl hi. Ama in kei hong bia a, a sia a vawt ngawl natu kidawm hi,” ci hi.

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Mi Simna 12:7

Ka naseampa Moses taw ka kipaupui ciang sia a tuamdang khat ahi hi; Israel ka mite theampo ama in ka uksak hi.

Thuhil kikna 3:28

Joshua a pha takin na hil in. Ama tha pia in, a thin khosak in, banghang ziam cile na mu ngam teng a la tu in ama in mipite lampui tu hi,’ hong ci zaw hi.

Thuhil kikna 31:7

Tuaciang Moses in Joshua sam a, Israel mite theampo ii mai ama tungah, “Na thin khosak in a, kimuang in; a taanghpupite tungah Topa kamciam omsa ngam a la tu hi mite a lampui tu sia nangma ni hi.

Thuhil kikna 34:5

Tua ahiciang Topa ii naseampa Moses sia, Topa ii a cisa bangin tua mun Moab ngam sungah thi hi.

Joshua 1:1

Topa ii naseam Moses thi zawkciang, Moses a hu, Nun ii tapa Joshua sia Topa in paupui hi.

Joshua 1:11

pai kawkoai in sawl a, mite tungah hi bangin thupiasak hi, “Nguai an pawlkhat taw kinging vun, banghang ziam cile tu zo ni thum sung, Topa na Pathian ii hong piak ngam le lei a la tu in Jordan ngun na kaantan tu uh hi.”