Joshua 1:15 - Syin Chin Bible

¹⁵ Topa na Pathian ii amate a piaksa Jordan nitumna sang ngam teng a laak uh mateng tuabangin ngamta tu nu hi. Ama in Israel nam teng a vekpi in ngammuanna a piak zawkciang Topa naseampa Moses ii no hong piak Jordan nisuana ngam, hi lai ah a teang tu in nong cia kik thei tu uh hi,” ci hi.

Joshua 1:15 Iomraidhean Croise

1 Corinth te 12:26

Pumpi sungah khen tuam khat in, thuakna a nei le, a dang khentuam theampo in thuakpui hi; khentuam khat a kipok le, a dang khentuam teng in lungdam pui tek hi.

1 Corinth te 13:5

itna in philphit ngawl, duhop ngawl, thintom ngawl hi; itna in ngual khialnate ciamtee ngawl hi.

Galatia te 5:13

Ka suapuite awng, no sia a suakta tu in hong kisam hi. Ahihang hi suatakna in chi le sa deina ii hong ukna tu a paulap nuam hisak heak vun. Tua taangin ki itna taw khat le khat kihu vun.

Galatia te 6:2

Khat le khat vanhngitte na kidawn tavun, tuabangin Christ ii thukham na zui tu uh hi.

Thuhil kikna 3:18

“Tua hun laitak ma in amate tungah a nuai a kihilnate ka pia hi: ‘Topa ih Pathian in Jordan nisuana ngam sia na laak tu uh in no hong pia zo hi. Tu in na ngalkapte ngalhiam pia vun a, a dang Israel namte ii a ngam laak a hu tu in tuate ih mai ah Jordan kan in puak vun.

Thuhil kikna 3:20

Hi lai ah note atu hong vawtsak bangma in Topa ii amate a piak tu Jordan nitumna sang ngam teng a laak mateng le amate tua munah thinnuam takin Topa in a teensak mateng in na Israel mipuite hu vun. Tuasia zawkciang kong piaksa ngam hi munah nong cia kik thei tu uh hi.’

Thuhil kikna 9:1

“Israel mite awng, ngai vun! Tuni in Jordan Ngun na kaantan tu uh a, note sangin a lian zaw le a thahat zaw minamte neisa ngam le lei na la tu uh hi. Amate ii khuapite lian in, a luphungte van ban hi.

Philippi te 2:4

Noma ii kinsante bek na en heak vun a, khat le khat ii kinsante zongh na ki etpui tavun:

Joshua 1:1

Topa ii naseam Moses thi zawkciang, Moses a hu, Nun ii tapa Joshua sia Topa in paupui hi.

Joshua 1:14

Na zite na tate le na ngannote sia hi lai munah taang tu a, ahihang ngalhiam toaisa na ngalkapte sia Israel mipuite mai ah a hu tu in ngun kaantan tu hi.

Joshua 1:16

Amate in Joshua tungah, “Nong sawl theampo ka vawt tu a, nong puakna mun theampo ah ka pai tu hi.

Joshua 22:1

Tua zawkciang Joshua in Reuben, Gad, le nisuana Manasseh nam teng pan mipite sam khawm hi.