Jonah 4:2 - Syin Chin Bible

² Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Jonah 4:2 Iomraidhean Croise

1 Kumpite 19:4

Elijah sia nitangtum duisung ah a peangin pai hi. Ama in thinglim nuai khat ah tawlnga in to a, tuaciang thithei le uuk hi. “Nasia leih hi, Topa awng, ka nuntakna hong laaksak ta'n; thi leng zong phazaw tu hi,” ci in thungen hi.

Psalm Late 103:8

Topa in hong hesuak a hong it in, thin uuk hak a, itna kip taw kidim hi.

Psalm Late 145:8

Topa in itna le hesuakna nei a, thinsau in itna kip taw kidim hi.

Psalm Late 78:38

Ahihang Pathian in ama mite hesuak hi. Amate mawna maisak a, a susia bua hi. Ama in tamvei mama a thin uukna iip in a thinsona vei kenkon hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Psalm Late 90:13

Na thin uukna bang tan khuangei lai tu ziam? Topa awng, na naseamte tungah mulkimna hong nei ta'n!

Pusuana 32:14

Tua ahiciang Topa in a ngaisutna khealin, a mite tungah a tawn bangin tuasiatna tungsak ngawl hi.

Jeremiah 18:8

tua minam in ngitlona panin a kikheal kik a ahile vawt tu ka ci sa sia ka vawt buatu hi.

Jeremiah 20:7

Topa awng, nangma in kei nong theam a, keima theam ka thuak hi. Nangma in kei sangin na hat zaw a, kei nong zo zo hi. Mihing theampo in kei hong nunau uh a; sunkhuateakin amate in kei hong selno uh hi.

Jeremiah 26:13

Na nuntakzia le na sep uhte kheal nanak vun a, Topa na Pathian thu ni vun. Tuabangin na hi uh le, no tungah siatna thengsak tu in a sonsa sia pan Topa in a thin kheal tu hi.

Jeremiah 42:10

‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi.

Amos 7:3

Topa in a thin kheal kik a, “Na mu bang piang ngawl tu hi,” ci hi.

Amos 7:6

Topa in a thin kheal kik a, “Hi sia zongh piang ngawl tu hi,” ci hi.

Jonah 1:3

Ahihang Jonah in Topa a pial thei natu in a kisawlna sangah pai ngawlin a leelam sangah pai hi. Ama Joppa ah pai in, tua munah Spain ngam ah a pai tu teambaw khat mu hi. Teambaw saapna sum a piak zawkciang Topa taw a kikhuala natu mun Spain ngam ah pai tu in teambaw hawlte taw teambaw tungah kaa hi.

Jonah 3:10

Pathian in amate vawt teng mu a; a ngitlo ngamtatna nusia zo hi ci in mu hi. Tua ahikom ama in a thin khealin daan pia tu a ci bangin pia ngawl hi.

Jonah 3:9

Pathian a thin kheal kik tha tu hi; a thin uukna thaisak tha tu a ih thi buatu hi!” ci hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Luke 10:29

Ahihang Thukham hil syapa in, ama le ama kitangsak nuam ahikom, hi bangin Jesus dongh thua hi, “Ka innpaam pa sia akua ziam?” ci hi.

Thuhil kikna 4:31

Ama in hong hesuak thei Pathian ahi hi. Note hong nusia ngawl tu a, hong mon ngawl tu a, na taanghpupite taw a vawt thuciamna mangil ngawl tu hi.