Jonah 3:6 - Syin Chin Bible

⁶ Nineveh kumpipa in hi thu a zaak ciang, a kumpi tokhum pan dingto in, a puantual suut a, khau-ip puan silhin vuttun sungah tosuk hi.

Jonah 3:6 Iomraidhean Croise

1 Kumpite 21:27

Elijah ii a pau tu teng a man ciang Ahab in a puansilh lai te baltham in, suut a, khau-ip puan silh hi. Ama in an ne ngawlin khau-ippuan te taw lum a, mainuu in thin lalin vavak hi.

Job 2:8

Job in nin kholna hui ah to in a meimate a khuat natu in tungbeal tamhbek khat la hi.

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Isaiah 15:3

Lampi tungah a om mite khau-ip puan kisilhsak a; innkhum dawn le khuapi khawlmunte ah a om mite tau in kap uh hi.

Jeremiah 13:18

Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi.

Jeremiah 36:13

Baruch ii mipite tungah a sim thu teng Micaiah in a zaak theampo amate tungah son hi.

Jeremiah 36:24

Ahihang kumpipa ahizong hi thute theampo a za siat a uliante ahizong launa heena lim lak ngawl uh hi.

Jeremiah 6:26

Topa in a mite tungah, “Khuangai in, Khau-ip puan silhin vut sungah kilumliik vun. Tapa khat a nei sun sia in a thi san hu in thitui luang in kap vun, banghang ziam cile no hong susia tu hong pai pa in thakhat thu in hong sim tu hi.

Kaa late 2:10

Jerusalem ii pasal huaite sia huthe ngawlin lei ah to khipkhep uh hi. A lu tungah leivui kithe in khau-ip puan silh uh hi. Ngaknu note lei ah a lu kun uh hi.

Kaa late 3:29

Kipum aapin ih kun tu ahi hi, banghang ziam cile lametna om thei lai tu hi.

Ezekiel 26:16

Tuipi tungah a vak a cia minamte ii kumpi theampo in kumpi tokhum panin tuak tu uh hi. Amate in a puantual te le a kizepna puansilhte suutin, lei ah liingin to tu uh hi. Noma ii thuakna hu in a liinna thim thei ngawl tu uh hi.

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Micah 1:10

Gath a om ih ngalte tungah ih ngallelna thu son heak vun; na kaa uh musak heak vun. Beth Leaphrah mite awng, na thinkiamna lakna in leivui sungah kilumliik vun!

Matthew 11:21

“Nang atu in bangza in lauhuai ziam, Chorazin awng! Nang atu in bangza in lauhuai ziam, Bethsaida awng! Tyre le Sidon khuate tungah note sungah hong kivawt nalamdang laknate kivawt thong le, a mihingte in khau-ip puan silh in, amate tungah vut kithe in, mawna kisiik kikna a lak zawk ngei zo tu hi.

Luke 10:13

“Nang atu in bangza in lauhuai ziam, Chorazin awng! nang atu in bangza lauhuai ziam, Bethsaida awng! no sungah hong kivawt nalamdangte Tyre le Sidon ah kivawt thong le tua khua mite in, a mawnate pan kisiik kikna uh, a kilangh natu in, khuangeipi pek lai panin, khau-ip puan silhin to in amate le amate vut kithe tu uh hi!